ഡോക്‌ടർ ചമഞ്ഞ് ചികിൽസ; പെരുമ്പാവൂരില്‍ അതിഥിതൊഴിലാളി പിടിയില്‍

By News Bureau, Malabar News
Fake doctor arrested
Ajwa Travels

പെരുമ്പാവൂർ: അതിഥി തൊഴിലാളിയായ വ്യാജ ഡോക്‌ടറെ പിടികൂടി പോലീസ്. ബംഗാൾ മൂർഷിദാബാദ് സ്വദേശി സബീർ ഇസ്ളാ(34)മിനെയാണ് പെരുമ്പാവൂർ പോലീസ് പിടികൂടിയത്. മാറമ്പിള്ളി പള്ളിപ്രം ഭായി കോളനിയിലെ ഒരു മുറിയിലായിരുന്നു ഇയാളുടെ ചികിൽസയും താമസവും.

നിരവധി അതിഥി തൊഴിലാളികളാണ് ചികിൽസക്കായി ഇവിടെ എത്തിയിരുന്നത്. ഇതിനിടെ ചികിൽസ തേടിയെത്തിയ അസം സ്വദേശിനിയിൽ നിന്ന് ആയിരം രൂപ ഫീസ് വാങ്ങിയ ശേഷം ഇയാൾ ഗുളിക നൽകുകയും ഡ്രിപ്പ് ഇടുകയും ചെയ്‌തു. പിന്നാലെ യുവതി ബോധരഹിതയായി. ഇതിന് പിന്നാലെ നടത്തിയ അന്വേഷണത്തിലാണ് റൂറൽ ജില്ലാ പോലീസ് മേധാവി കെ കാർത്തിക്കിന് വ്യാജഡോക്‌ടറെ സംബന്ധിച്ച് രഹസ്യവിവരം ലഭിക്കുന്നത്.

തുടർന്ന് പോലീസ് ഇവിടെയെത്തി പരിശോധന നടത്തുകയും പ്രതിയെ പിടികൂടുകയുമായിരുന്നു.

ചികിൽസക്കായി എത്തുന്നവർക്ക് ഇയാൾ ഇഞ്ചക്ഷൻ, ഡ്രിപ്പ് എന്നിവ നൽകിയിരുന്നു. ഇയാളിൽനിന്ന് സ്‌റ്റെതസ്‌കോപ്, സിറിഞ്ചുകൾ, ഗുളികകൾ, ബിപി അപ്പാരറ്റസ് തുടങ്ങിയവ പോലീസ് കണ്ടെടുത്തു.

ഇൻസ്‌പെക്‌ടർ രഞ്‌ജിത്, എസ്ഐമാരായ റിൻസ് എം തോമസ്, ബെർട്ടിൻ തോമസ്, എഎസ്ഐ ബിജു എസ്, സിപിഒമാരായ സലിം, ബാബു കുര്യാക്കോസ് തുടങ്ങിയവരാണ് അന്വേഷണ സംഘത്തിൽ ഉണ്ടായിരുന്നത്.

Most Read: ‘കടുവ’ സെറ്റിലേക്ക് യൂത്ത് കോൺഗ്രസ് മാർച്ച്, തടഞ്ഞ് നേതാക്കൾ; സംഘർഷം 

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE