പാലക്കാട്: വയലിൽ ജോലി ചെയ്യുന്നതിനിടെ തേനീച്ചയുടെ കുത്തേറ്റ് 78കാരൻ മരിച്ചു. രാമശ്ശേരി കോവില്പ്പാളയം ഊറപ്പാടം ശാന്തി നിവാസില് സുകുമാരന് ആണ് മരിച്ചത്. തലയ്ക്കും കണ്ണിനും നെഞ്ചിലുമാണ് ഇദ്ദേഹത്തിന് കുത്തേറ്റത്.
ഇന്നലെ ഉച്ചയോടെ രാമശ്ശേരിയിലെ പാടത്തായിരുന്നു അപകടം ഉണ്ടായത്. പാടത്തു പുല്ലുവെട്ടവെ ആയിരുന്നു തേനീച്ച ആക്രമണം. മരണപ്പെട്ട സുകുമാരനൊപ്പം ഉണ്ടായിരുന്ന മകൻ സുധീപിനും സഹോദരൻ രാമചന്ദ്രനും കുത്തേറ്റിട്ടുണ്ട്. ഇരുവരും പാലക്കാട്ടെ സ്വകാര്യ ആശുപത്രിയിലെ അത്യാഹിത വിഭാഗത്തില് ചികിൽസയിലാണ്.
പുല്ലുവെട്ടു തൊഴിലാളികളായ രണ്ടുപേർക്കും കുത്തേറ്റിരുന്നു. എന്നാൽ ഇവര് സുരക്ഷാ ഉപകരണങ്ങള് ധരിച്ചിരുന്നതിനാല് പരിക്ക് ഗുരുതരമല്ല.
Malabar News: നിർമാണത്തിലിരുന്ന കെട്ടിടത്തിലെ അപകടം; റിപ്പോർട് തേടി തൊഴിൽ മന്ത്രി