തിരുവനന്തപുരം: ആരോഗ്യവകുപ്പ് മന്ത്രി വീണാ ജോർജിനെ കാണാൻ എറണാകുളം മെഡിക്കൽ കോളേജിലെ എംബിബിഎസ്‌ വിദ്യാർഥിയായ ഉണ്ണിയെത്തി. വയനാട് അപ്പപ്പാറ നാഗമന കോളനി വാസിയാണ് ഉണ്ണി. അഖിലേന്ത്യാ മെഡിക്കൽ എൻട്രൻസ് പരീക്ഷയിൽ പട്ടികവർഗ വിഭാഗത്തിൽ നിന്നും ഒമ്പതാം റാങ്കാണ് ഉണ്ണി നേടിയത്.
നാഗമനയിലെ ആദ്യ ഡോക്‌ടറാകാൻ തയ്യാറെടുക്കുന്നതിനിടെയാണ് ഉണ്ണി ആരോഗ്യമന്ത്രിയെ കാണാൻ തിരുവനന്തപുരത്ത് എത്തിയത്. ലോക്കൽ ഗാർഡിയനായ ഔസേപ്പച്ചനും കൂടെ ഉണ്ടായിരുന്നു. ഉണ്ണിക്ക് മന്ത്രി വീണാ ജോർജ് എല്ലാ ആശംസകളും നേർന്നു. ഉണ്ണിയുടെ പ്രയത്‌നവും സമർപ്പണവും സമൂഹത്തിന് മാതൃകാപരമാണെന്ന് മന്ത്രി പറഞ്ഞു. ജീവിത പ്രതിസന്ധികളോട് പൊരുതിക്കയറിയ ഉണ്ണി ഒരു കലാകാരൻ കൂടിയാണ്.
Most Read: ഹിജാബ് നിരോധനം; വാദം പൂർത്തിയായി, വിധി പറയാൻ മാറ്റി
