തിരുവനന്തപുരം: മദ്യം വാങ്ങാൻ ബെവ്ക്യു ആപ്പ് ഒഴിവാക്കി സർക്കാർ ഉത്തരവിറക്കി. ബാറുകൾ തുറന്നതിനാൽ നിലവിൽ മദ്യം വാങ്ങാൻ ബെവ്ക്യു ആപ്പ് ആവശ്യമില്ല. അതിനാലാണ് ആപ്പ് റദ്ദാക്കിയത്. അടച്ചിടൽ കാലത്താണ് മദ്യവിൽപ്പനക്ക് ആപ്പ് കൊണ്ടുവന്നത്. മദ്യശാലകളിലെ തിരക്ക് ഒഴിവാക്കാനും സമയ ക്രമീകരണം ഏർപ്പെടുത്താനും വേണ്ടിയായിരുന്നു ആപ്പ് കൊണ്ടുവന്നത്.
ബെവ്ക്യു ആപ്പ് വഴി വെര്‍ച്വല്‍ ക്യൂ മാനേജ്‌മെന്റ് സംവിധാനത്തിലൂടെ ആയിരുന്നു വില്‍പ്പന. ഓണ്‍ലൈന്‍ ടോക്കണ്‍ ഉപയോഗപ്പെടുത്തിയാണ് മദ്യ വില്‍പന നടത്തിയത്. സാമൂഹിക അകലം പാലിച്ചും സുരക്ഷാ മുന്‍കരുതലുകള്‍ സ്വീകരിച്ചുമാണ് ആപ്പ് വഴി വില്‍പന നടത്തിയത്. എന്നാൽ നിയന്ത്രണങ്ങളിൽ ഇളവുകൾ നൽകിയതിന് ശേഷം ആപ്പ് ഉപയോഗിക്കേണ്ട ആവശ്യം ഇല്ലാതായതോടെയാണ് സർക്കാർ പുതിയ ഉത്തരവിറക്കിയത്.
Read Also: പ്രസ്‌താവന അനുചിതം; കെഎസ്ആർടിസി എംഡിക്കെതിരെ എളമരം കരീം
