കോഴിക്കോട്: കരിപ്പൂരില് വന് സ്വര്ണവേട്ട നടത്തി പോലീസ്. 2 യാത്രക്കാരില് നിന്നായി ഒരു കോടി രൂപയുടെ സ്വര്ണമാണ് പോലീസ് പിടികൂടിയത്. സംഭവത്തിൽ 2 കരിയര്മാരടക്കം 6 പേരെ അറസ്റ്റ് ചെയ്തു.
ഷാര്ജയില് നിന്നെത്തിയ മണ്ണാര്ക്കാട് സ്വദേശി വിഷ്ണുദാസ്, ബഹ്റിനില് നിന്നെത്തിയ വടകര സ്വദേശി ഷിജിത്ത് എന്നിവരും ഇവരെ കൂട്ടിക്കൊണ്ടു പോകാനെത്തിയ ഷബീന്, ഷബീല്, ലത്തീഫ്, സലീം എന്നിവരുമാണ് പിടിയിലായത്.
കസ്റ്റംസ് പരിശോധന പൂര്ത്തിയാക്കി ടെര്മിനലിന് പുറത്തിറങ്ങിയ വിഷ്ണുദാന്റെയും ഷിജിത്തിന്റെയും ദേഹത്തുനിന്നാണ് സ്വര്ണം പിടികൂടിയത്. സ്വര്ണ ഉരുളകളായി ശരീരത്തിലെ രഹസ്യ ഭാഗത്ത് ഒളിപ്പിച്ച നിലയിൽ ആയിരുന്നു സ്വർണം. 2 കാറുകളും പോലീസ് പിടിച്ചെടുത്തിട്ടുണ്ട്.
Most Read: ‘ലൗ ജിഹാദ്’ ആരോപണം; സിപിഎമ്മിന്റെ വിശദീകരണ യോഗം ഇന്ന്