തിരുവനന്തപുരം: ബഫർ സോൺ ഉത്തരവ് തിരുത്താൻ കേരളാ മന്ത്രിസഭാ യോഗത്തിൽ തീരുമാനം. ഒരു കിലോ മീറ്റർ വരെ ബഫർ സോൺ എന്ന 2019ലെ ഉത്തരവ് തിരുത്താനാണ് മന്ത്രിസഭാ യോഗത്തിലെ തീരുമാനം. ബഫർ സോണിൽ സുപ്രീം കോടതിയിൽ തുടർ നടപടി സ്വീകരിക്കാൻ വനം വകുപ്പിനെ ചുമതലപെടുത്തി.
പരിസ്‌ഥിതി ലോല മേഖല സംബന്ധിച്ച് സംസ്‌ഥാനത്ത് വലിയ തോതിൽ പ്രതിഷേധങ്ങൾ നിലനിൽക്കുകയാണ്. പൂജ്യം മുതൽ ഒരു കിലോമീറ്റർ വരെ പരിസ്‌ഥിതിലോല മേഖലയായി വനപ്രദേശങ്ങൾക്ക് ചുറ്റുമുള്ള സ്‌ഥലങ്ങൾ പ്രഖ്യാപിക്കണമെന്ന 2019ൽ ഒന്നാം പിണറായി സർക്കാർ പുറത്തിറക്കിയ ഉത്തരവാണ് ഇപ്പോൾ തിരുത്താൻ തീരുമാനമായിരിക്കുന്നത്. ഈ ഉത്തരവ് നിയമപരമായി സംസ്‌ഥാനത്തിന് തിരിച്ചടിയാകുമെന്ന വിലയിരുത്തലുണ്ട്. അതിനാലാണ് നടപടി. സുപ്രീം കോടതിയെ സമീപിക്കുന്നതിന് മുൻപ് ഉത്തരവ് റദ്ദാക്കുന്നതും പരിഗണനയിലുണ്ട്.
Most Read: ‘എവിടെയോ കണ്ട് നല്ല പരിചയം’; സോഷ്യൽ മീഡിയയെ ഞെട്ടിച്ച് കോടീശ്വരൻ ലുക്കുള്ള വയസൻ നായ
