പയ്യോളി: അയനിക്കാട് പോസ്റ്റോഫീസിനായി പുതിയ കെട്ടിടം ഏറ്റെടുത്ത് നൽകി ‘എന്റെ ഗ്രാമം അയനിക്കാട്‘ കൂട്ടായ്മ മാതൃകയായി. ദേശീയപാത വികസനത്തിനായി സ്ഥലം ഏറ്റെടുത്തപ്പോൾ വർഷങ്ങളായി പ്രവർത്തിക്കുന്ന കെട്ടിടം നഷ്ടമായതോടെയാണ് ഇവർ പുതിയ കെട്ടിടം ഏറ്റെടുക്കാനായി മുന്നിട്ടിറങ്ങിയത്. മറ്റ് കെട്ടിടങ്ങൾ ഒന്നും ലഭിക്കാത്തതിനാൽ പ്രദേശത്തിന്റെ മുഖമുദ്രയായ സർക്കാർ ഓഫീസ് അയനിക്കാടിന് നഷ്ടമാകുമെന്ന ഘട്ടമെത്തിയിരുന്നു.
മൂന്ന് വർഷമായി വിഷയവുമായി ബന്ധപ്പെട്ട് നടത്തിയ സർവ്വകക്ഷി യോഗങ്ങൾ ഒന്നും തന്നെ ലക്ഷ്യത്തിൽ എത്തിയിരുന്നില്ല. ചർച്ചകൾ പരാജയപ്പെട്ടതോടെ പ്രദേശത്തെ ചെറുപ്പക്കാരുടെ കൂട്ടായ്മയായ ‘എന്റെ ഗ്രാമം അയനിക്കാട്’ മുന്നിട്ടിറങ്ങുകയായിരുന്നു. കൂട്ടായ്മയുടെ നിരന്തര പരിശ്രമത്തിന്റെ ഫലമായി പ്രദേശത്ത് തന്നെ കെട്ടിടം കണ്ടെത്തി കൈമാറിക്കഴിഞ്ഞു.
Read Also: വടകര സാന്ഡ് ബാങ്ക്സ്; രണ്ടരക്കോടിയുടെ വികസന പദ്ധതി