ന്യൂഡെൽഹി: സിബിഐ മുൻ ഡയറക്‌ടർ നാഗേശ്വര റാവുവിനെതിരെ രൂക്ഷ വിമർശനവുമായി അഭിഭാഷകൻ പ്രശാന്ത് ഭൂഷൺ. ക്രിസ്‌ത്യൻ അല്ലാത്ത തനിക്ക് ക്രിസ്‌തുമസ്‌ ആശംസ ആവശ്യമില്ലെന്ന നാഗേശ്വര റാവുവിന്റെ പ്രസ്‌താവനയെയാണ് പ്രശാന്ത് ഭൂഷൺ വിമർശിച്ചത്.
“അലോക് വർമക്കെതിരായ അട്ടിമറിക്ക് ശേഷം ഈ സർക്കാർ ഇദ്ദേഹത്തെ ആക്റ്റിംഗ് സിബിഐ ഡയറക്‌ടറായി നിയമിച്ചത് എന്തുകൊണ്ടാണെന്നും അദ്ദേഹത്തെ അപമാനത്തോടെ നീക്കം ചെയ്യേണ്ടിവന്നത് എന്തുകൊണ്ടാണെന്നും ഇപ്പോൾ നിങ്ങൾക്ക് മനസിലായിക്കാണും,”- പ്രശാന്ത് ഭൂഷൺ ട്വീറ്റ് ചെയ്‌തു.
Now you know why this fellow was appointed acting CBI Director by this Govt after coup against Alok Verma & why he had to be removed in disgrace https://t.co/lHU3nANtiL
— Prashant Bhushan (@pbhushan1) December 25, 2020
നഗേശ്വര റാവു തന്റെ ട്വിറ്ററില്‍ പങ്കുവെച്ച വാട്‌സ് ആപ്പ് ചാറ്റിന്റെ സ്‌ക്രീന്‍ഷോട്ട് വ്യാപകമായ വിമര്‍ശനത്തിന് ഇടയായിരുന്നു. ” വാട്‌സ്ആപ്പിൽ എനിക്ക് ക്രിസ്‌തുമസ്‌ ആശംസിച്ച രാജ്യത്തെ മികച്ച ബിസിനസ് സ്‌കൂളിലെ ഒരു ഹിന്ദു പ്രൊഫസറുമായി ഞാൻ നടത്തിയ സംഭാഷണം” എന്ന ക്യാപ്ഷനോടെയാണ് നഗേശ്വര റാവു സ്‌ക്രീന്‍ഷോട്ട് പങ്കുവച്ചത്.
പ്രൊഫസര്‍ക്ക് നഗേശ്വര റാവു നൽകിയ മറുപടി ഇങ്ങനെ; “ഞാൻ ഒരു ക്രിസ്‌ത്യനല്ല. നിങ്ങളും ഒരു ക്രിസ്‌ത്യൻ അല്ലെന്നാണ് കരുതുന്നത്. പിന്നെ എന്തിനാണ് ഈ ആശംസ? അതൊക്കെയിരിക്കട്ടെ, എന്നാണ് ഭഗവത് ഗീത ജയന്തി എന്ന് പറയാമോ?, ഗൂഗ്‌ൾ ചെയ്‌ത്‌ നോക്കൂ.” നഗേശ്വര റാവുവിന്റെ ഈ മറുപടി വ്യാപക വിമർശനത്തിന് ഇടയാക്കിയിട്ടുണ്ട്.
My Christmas conversation-1:
With a Hindu Professor from a top most Business School of the country who wished me Merry Christmas on WhatsApp?….. https://t.co/rqzEu5XyNF pic.twitter.com/guKeEYhEm5
— M. Nageswara Rao IPS (@MNageswarRaoIPS) December 25, 2020
Also Read: ബിജെപി നേതാക്കളെ ഹോട്ടലില്‍ തടഞ്ഞ് കര്‍ഷക സംഘടനകള്‍
