ന്യൂഡെല്ഹി: ബോളിവുഡ് നടി കങ്കണ റണൗട്ടിനെ പരിഹസിച്ച് മുതിര്ന്ന സുപ്രീം കോടതി അഭിഭാഷകൻ പ്രശാന്ത് ഭൂഷണ്. ലോക്ക്ഡൗണിൽ ജോലിയില്ലെന്നും നികുതി നൽകാൻ പോലുമാകാത്ത സ്ഥിതിയാണ് തനിക്കെന്നും കങ്കണ കഴിഞ്ഞ ദിവസം പറഞ്ഞിരുന്നു. ഇതേത്തുടർന്നാണ് പ്രശാന്ത് ഭൂഷന്റെ പരിഹാസം.
Whaat?! Jhansa ki Rani has no work?! pic.twitter.com/spCQNxOEAP
— Prashant Bhushan (@pbhushan1) June 10, 2021
ഝാന്സി റാണിയ്ക്ക് വരെ ജോലിയില്ലാത്ത അവസ്ഥയോ? എന്നാണ് പ്രശാന്ത് ഭൂഷന്റെ ട്വീറ്റ്. കഴിഞ്ഞ ദിവസമാണ് ലോക്ക്ഡൗണ് തനിക്ക് വലിയ സാമ്പത്തിക തിരിച്ചടി നൽകിയെന്ന് തുറന്നു പറഞ്ഞ് കങ്കണ രംഗത്തെത്തിയത്. ഇന്സ്റ്റഗ്രാം സ്റ്റോറിയിലൂടെയാണ് കങ്കണ പ്രതികരിച്ചത്.
തനിക്ക് പുതിയ പ്രോജക്ടുകൾ ഇല്ലാത്തത് വരുമാനത്തെ ബാധിച്ചെന്നും അതിനാൽ വര്ഷാവര്ഷം അടയ്ക്കേണ്ട നികുതി പൂർണമായും അടയ്ക്കാൻ സാധിച്ചില്ലെന്നും കങ്കണ പറയുന്നു. വ്യക്തിപരമായി എല്ലാവര്ക്കും നഷ്ടങ്ങള് നേരിടുന്ന കാലഘട്ടമാണിതെന്നും എത്രയും പെട്ടെന്ന് എല്ലാം ശരിയാകട്ടെയെന്ന് ആഗ്രഹിക്കുന്നുവെന്നും കങ്കണ പറഞ്ഞിരുന്നു.
Read also: നരേന്ദ്രമോദി രാജ്യത്തെ ഏറ്റവും ഉന്നതനായ നേതാവ്; സഞ്ജയ് റാവത്ത്