തിരുവനന്തപുരം: വാളയാറില് പെണ്കുട്ടികളുടെ കൊലപാതകത്തിലെ ഒന്നാം പ്രതി സര്ക്കാറും മുഖ്യമന്ത്രിയുമാണെന്ന് രമേശ് ചെന്നിത്തല. പ്രതികളെ ശിക്ഷിക്കാന് സര്ക്കാറിന് യാതൊരു താല്പര്യവുമില്ലായിരുന്നെന്നും തെളിവുകള് ഹാജരാക്കാനോ, വിചാരണ കാര്യക്ഷമമായി നടത്താനോ കഴിയാത്തത് ഇതിന്റെ തെളിവാണെന്നും പ്രതിപക്ഷ നേതാവ് പറഞ്ഞു.
സംസ്ഥാന പൊലീസ് തന്നെ വീണ്ടും ഈ കേസ് അന്വേഷിക്കുന്നത് ശരിയല്ല. കുട്ടികളുടെ മാതാപിതാക്കളുടെ അഭിപ്രായം കൂടി മാനിച്ച് കേസ് സിബിഐക്ക് വിടണമെന്നും അദ്ദേഹം ആവശ്യപ്പെട്ടു.
കേസിലെ പ്രതികളെ വെറുതെവിട്ട വിചാരണക്കോടതി വിധി റദ്ദാക്കിയ ഹൈക്കോടതി നടപടിയെ സ്വാഗതം ചെയ്യുന്നു. കേസ് അന്വേഷണത്തില് പൊലീസിന്റെ ഭാഗത്ത് നിന്നുണ്ടായ ഗുരുതര വീഴ്ചയെ ഹൈക്കോടതി അതിനിശിതമായാണ് വിമര്ശിച്ചിരിക്കുന്നത്. സംസ്ഥാന പൊലീസ് സേനക്ക് തന്നെ നാണക്കേടാണ് ഈ വിമര്ശനം.
ജില്ലാ ശിശുക്ഷേമ സമതിയുടെ ചെയര്മാന് കോടതിയില് പ്രതികള്ക്ക് വേണ്ടി ഹാജരായതും വന് വീഴ്ചയായിരുന്നു.
കേസ് അട്ടിമറിക്കപ്പെടില്ലന്ന് മുഖ്യമന്ത്രി നിയമസഭയില് ഉറപ്പ് നല്കിയതാണ്. എന്നിട്ടും പ്രതികള് ശിക്ഷിക്കപ്പെടുന്ന രീതീയില് തെളിവുകള് ഹാജരാക്കാനോ, വിചാരണ കാര്യക്ഷമമായി നടത്താനോ കഴിഞ്ഞില്ലെന്നും രമേശ് ചെന്നിത്തല പറഞ്ഞു.
Read also: തര്ക്കം പരിഹരിക്കാന് കേന്ദ്ര സര്ക്കാര് സഹായിച്ചാല് ബിജെപിക്കൊപ്പം നില്ക്കും; യാക്കോബായ സഭ