തിരുവനന്തപുരം: ബിനീഷ് കോടിയേരിയുടെ വീട്ടിലെ റെയ്ഡുമായി ബന്ധപ്പെട്ട ബാലാവകാശ കമ്മീഷന് ഉത്തരവില് പൊലീസ് ഇതുവരെ നടപടിയെടുത്തില്ല. റെയ്ഡിനെതിരായ ബന്ധുക്കളുടെ പരാതിയും പൊലീസ് നടപടികളും ഗൗരവമാക്കാതെ തുടര് പരിശോധനക്കായി ഇഡി സംഘം തലസ്ഥാനത്ത് തുടരുകയാണ്.
Also Read: ഇണയെ തേടി വ്യത്യസ്ത പരസ്യവുമായി കോട്ടയത്തെ യുവാവ് തരംഗമാകുന്നു
ബിനീഷിന്റെ വീട്ടില് 26 മണിക്കൂര് നീണ്ട ഇഡി റെയ്ഡിനിടെ ബിനീഷിന്റെ കുഞ്ഞിന്റെ അവകാശങ്ങള് നിഷേധിച്ചു എന്ന പരാതിയിലാണ് ബാലാവകാശ കമ്മീഷന്റെ ഇടപെടലുണ്ടായത്. ബിനീഷിന്റെ ഭാര്യയുടെ അച്ഛന്റെ പരാതിയില് കമ്മീഷന് അധ്യക്ഷന് കെവി മനോജ് കുമാര് നേരിട്ട് വീട്ടില് എത്തിയിരുന്നു. പരാതിയെ കുറിച്ച് അന്വേഷിച്ച് നടപടി സ്വീകരിക്കാന് കമ്മീഷന് സിറ്റി പൊലീസ് കമ്മീഷണര്ക്ക് ഇന്നലെ വൈകിട്ട് ഉത്തരവ് നല്കി. പക്ഷേ കമ്മീഷണറുടെ ഉത്തരവില് പൊലീസ് നടപടി ഇതുവരെ തുടങ്ങിയിട്ടില്ല.