ബെയ്ജിങ്: ചന്ദ്രോപരിതലത്തിലെ പാറയും മണ്ണും ശേഖരിച്ച് ഭൂമിയിലെത്തിക്കാന്‍ ലക്ഷ്യമിട്ടുള്ള പുതിയ ചാന്ദ്ര ദൗത്യവുമായി ചൈന. ഇതിനായി ആളില്ലാ ബഹിരാകാശ വാഹനം ചന്ദ്രനിലേക്ക് അയക്കാന്‍ ഒരുങ്ങുകയാണ് ചൈന. ചാങ് ഇ-5 എന്ന പേരിലുള്ള ചാന്ദ്ര ദൗത്യത്തിന്റെ ഭാഗമായുള്ള പര്യവേക്ഷണ വാഹനം ചൊവ്വാഴ്‌ച പുറപ്പെടും.
പദ്ധതിയിലൂടെ ചന്ദ്രന്റെ ഉല്‍ഭവവും രൂപീകരണവും സംബന്ധിച്ച ആഴത്തിലുള്ള പഠനമാണ് ലക്ഷ്യം വെക്കുന്നത്. ഏകദേശം 4 പൗണ്ട് (1.81 കിലോഗ്രാം) പാറയും മണ്ണും ഭൂമിയിലെത്തിക്കാനാണ് ചൈന ഇതിലൂടെ ലക്ഷ്യമിടുന്നത്.
Gulf News: കുട്ടികളില്‍ ഉമിനീര് ശേഖരിച്ചുള്ള കോവിഡ് പരിശോധനക്ക് ദുബായ് ഹെല്‍ത്ത് അതോറിറ്റിയുടെ അനുമതി
ദൗത്യം വിജയകരമായാല്‍ ചന്ദ്രോപരിതലത്തില്‍ നിന്ന് കഴിഞ്ഞ 40 വര്‍ഷത്തിലേറെയായി പാറയും മണ്ണും ശേഖരിക്കുന്ന ആദ്യ രാജ്യമായി ചൈന മാറും. നേരത്തെ 1960കളില്‍ അമേരിക്കയും 1970കളില്‍ സോവിയറ്റ് യൂണിയനും മാത്രമാണ് ഈ ദൗത്യം വിജയകരമായി പൂര്‍ത്തികരിച്ചത്.
ചൈന നാഷണല്‍ സ്‌പേസ് അഡ്മിനിസ്‌ട്രേഷന്റെ (സിഎന്‍എസ്എ) തുടര്‍ച്ചയായ ചാന്ദ്രപര്യവേഷണത്തിന്റെ ഭാഗമായുള്ള പദ്ധതിയാണ് ചാങ് ഇ-5.
