കോഴിക്കോട്: വയനാട്ടിലെ പടിഞ്ഞാറത്തറയിൽ പോലീസുമായുള്ള ഏറ്റുമുട്ടലിനിടെ കൊല്ലപ്പെട്ട മാവോവാദി വേൽമുരുകന്റെ മൃതദേഹം കാണണമെന്ന് ആവശ്യപ്പെട്ട് സമരം നടത്തിയ കോൺഗ്രസ് നേതാക്കളെ പൊലീസ് അറസ്‌റ്റ് ചെയ്‌തു. കെപിസിസി വൈസ് പ്രസിഡണ്ട് ടി സിദ്ദിഖ് അടക്കമുള്ള നേതാക്കളെയാണ് പൊലീസ് അറസ്‌റ്റ് ചെയ്‌തത്‌.
വേൽമുരുകന്റെ മൃതദേഹം കാണണമെന്ന് നേതാക്കൾ ആവശ്യപ്പെട്ടെങ്കിലും പൊലീസ് സമ്മതിച്ചില്ല. തുടർന്ന് കെപിസിസി വൈസ് പ്രസിഡണ്ട് ടി സിദ്ദിഖ്, കോഴിക്കോട് ഡിസിസി പ്രസിഡണ്ട് യു രാജീവൻ, കെപിസിസി ജനറൽ സെക്രട്ടറിമാരായ പ്രവീൺ കുമാർ, എൻ സുബ്രഹ്‌മണ്യൻ എന്നിവർ കുത്തിയിരിപ്പ് സമരം നടത്തുകയായിരുന്നു.
അറസ്‌റ്റിന് തയാറാകാതിരുന്ന നേതാക്കളെ ബലം പ്രയോഗിച്ചാണ് പൊലീസ് കൊണ്ടുപോയത്. തങ്ങൾ വേൽമുരുകന്റെ മൃതദേഹം കാണാനും കുടുംബത്തെ കാണാനും വന്നവരാണെന്നും അതിന് പോലും പൊലീസ് സമ്മതിക്കാത്തത് പലതും ഒളിപ്പിച്ച് വെക്കാനാണെന്നും ടി സിദ്ദിഖ് ആരോപിച്ചു. കോഴിക്കോട് എംപി എംകെ രാഘവനും സ്‌ഥലം സന്ദർശിച്ചു. അടിയന്തരാവസ്‌ഥക്ക് സമാനമായ സംഭവമാണ് നടക്കുന്നതെന്നും വ്യാജ ഏറ്റുമുട്ടലാണെന്നാണ് പൊലീസ് നടപടികളിൽ നിന്നും മനസിലാകുന്നതെന്നും എംകെ രാഘവൻ എംപി പറഞ്ഞു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
