ന്യൂഡെൽഹി: ഛത്തീസ്ഗഡിൽ പോലീസും മാവോയിസ്റ്റും തമ്മിൽ ഏറ്റുമുട്ടൽ. തുടർന്ന് ഏറ്റുമുട്ടലിൽ മാവോയിസ്റ്റ് കമാൻഡർ സാകേത് നുരേതിയെ പോലീസ് വധിച്ചു. ഛത്തീസ്ഗഡിലെ നാരായൺപൂർ ജില്ലയിലാണ് ഏറ്റുമുട്ടൽ ഉണ്ടായത്. കൂടാതെ നിലവിൽ മാവോയിസ്റ്റുകൾക്കായി 5 സംസ്ഥാനങ്ങളിൽ തിരച്ചിൽ നടക്കുകയാണ്.
മഹാരാഷ്ട്രയിലെ ഗച്ച്റോളിയിൽ ഇന്നലെ നടന്ന ഏറ്റുമുട്ടലിൽ ഉന്നത മാവോയിസ്റ്റ് നേതാവടക്കമുള്ളവർ കൊല്ലപ്പെട്ടിരുന്നു. സിപിഎം മാവോയിസ്റ്റ് കേന്ദ്ര കമ്മറ്റി അംഗം മിലിന്ദ് തെൽതുംബ്ഡെ അടക്കം 20 പുരുഷൻമാരും 6 സ്ത്രീകളുമാണ് കൊല്ലപ്പെട്ടത്.
ഏറ്റുമുട്ടലിന്റെ പശ്ചാത്തലത്തിൽ തിരിച്ചടി ഉണ്ടാകാൻ സാധ്യത ഉള്ളതിനാൽ സുരക്ഷ കർശനമാക്കിയിട്ടുണ്ട്. മഹാരാഷ്ട്ര, ആന്ധ്രാ, ഛത്തീസ്ഗഡ് എന്നിവിടങ്ങളിൽ സുരക്ഷാസേന നിലവിൽ അതീവ ജാഗ്രതയിലാണ്.
Read also: ഇന്ധനവിലയിൽ മാറ്റമില്ലേ? സംസ്ഥാന സർക്കാരുകളോട് ചോദിക്കൂ; നിർമല സീതാരാമൻ