വെല്ലിങ്ടൺ: പൂർണമായും കോവിഡ് മുക്‌തമായ ന്യൂസീലൻഡിൽ വീണ്ടും കോവിഡ് കേസുകൾ ഉയരുന്നു. ഡെൽറ്റ വകഭേദമാണ് രാജ്യത്ത് പടർന്നുപിടിക്കുന്നത്. ഓക്ക്‌ലൻഡിലെ ഒരു ക്ളസ്‌റ്ററിൽ നിന്ന് മാത്രം 21 ഡെൽറ്റ കേസുകൾ റിപ്പോർട് ചെയ്‌തിട്ടുണ്ട്. പുതിയ കോവിഡ് കേസുകൾ റിപ്പോർട് ചെയ്‌തതോടെ രാജ്യം മുഴുവൻ ലോക്ക്ഡൗണിലാണ്.
6 മാസക്കാലമായി ഒരു കോവിഡ് കേസ് പോലും ന്യൂസീലൻഡിൽ റിപ്പോർട് ചെയ്‌തിരുന്നില്ല. മുൻപ് കോവിഡ് ബാധ പിടിച്ചു കെട്ടിയതുപോലെ എളുപ്പമല്ല ഡെൽറ്റ വകഭേദമെന്ന് മന്ത്രി ക്രിസ് ഹിപ്‌കിൻസ് പറഞ്ഞു. വൈറസ് ബാധയുടെ വേഗവും തീവ്രതയും വളരെ അധികമാണ്. ഭാവി പദ്ധതികളെപ്പറ്റി കൂടുതൽ നല്ല രീതിയിൽ ചിന്തിക്കേണ്ടിയിരിക്കുന്നു എന്നും അദ്ദേഹം വ്യക്‌തമാക്കി.
Malabar News: ഉദുമ മുക്കുപണ്ട തട്ടിപ്പ് കേസ്; അന്വേഷണം കൂടുതൽ പേരിലേക്ക്
