ന്യൂഡെൽഹി: രാജ്യത്ത് കഴിഞ്ഞ ഇരുപത്തിനാല് മണിക്കൂറിനിടെ 29,616 പുതിയ കോവിഡ് കേസുകൾ രേഖപ്പെടുത്തി. രോഗികളുടെ എണ്ണത്തിൽ കഴിഞ്ഞ ദിവസത്തേക്കാൾ 5.6 ശതമാനം കുറവ് രേഖപ്പെടുത്തി. കോവിഡ് മഹാമാരി ആരംഭിച്ചതിന് ശേഷം രാജ്യത്താകെ രോഗബാധ ഉണ്ടായവരുടെ എണ്ണം 33.62 ദശലക്ഷമായി ഉയർന്നു. ഇന്നലെ മാത്രം 290 മരണങ്ങൾ റിപ്പോർട് ചെയ്തിട്ടുണ്ട്. 28,046 പേർക്ക് രോഗമുക്തി ഉണ്ടായിട്ടുണ്ട്.
പ്രതിദിന പോസിറ്റിവിറ്റി നിരക്ക് 1.86 ശതമാനം മാത്രമാണ്. ഇന്നലെ ഏറ്റവും കൂടുതൽ പ്രതിദിന കേസുകളുള്ള സംസ്ഥാനമായ കേരളത്തിൽ 17,983 രോഗബാധയും, 127 കോവിഡ് മരണങ്ങളും റിപ്പോർട് ചെയ്തു. ഇന്ത്യയിലെ കോവിഡ് രോഗമുക്തി നിരക്ക് നിലവിൽ 97.78 ശതമാനമാണ്, ഇത് 2020 മാർച്ചിന് ശേഷമുള്ള ഏറ്റവും ഉയർന്ന രോഗമുക്തി നിരക്കാണ്.
Read Also: കോഴിക്കോട് മാവൂർ ഗ്വാളിയോർ റയോൺസ് ഭൂമിയിൽ പോലീസിന്റെ മിന്നൽ പരിശോധന