ന്യൂഡെൽഹി: കഴിഞ്ഞ 24 മണിക്കൂറിനുള്ളിൽ ഇന്ത്യയിൽ 45,083 പുതിയ കോവിഡ് കേസുകൾ കൂടി രേഖപ്പെടുത്തി. ഇതോടെ രാജ്യത്ത് ഇതുവരെ രോഗബാധ ഉണ്ടായവരുടെ എണ്ണം 3.26 കോടി (3,26,95,030) ആയി ഉയർന്നതായി കേന്ദ്ര ആരോഗ്യ മന്ത്രാലയം ഞായറാഴ്‌ച അറിയിച്ചു. കഴിഞ്ഞ 24 മണിക്കൂറിനുള്ളിൽ 35,840 പേരാണ് രോഗമുക്‌തി നേടിയത്. ഇതോടെ രോഗമുക്‌തി നിരക്ക് 97.53 ശതമാനമായി. 3,18,88,642 രോഗികളാണ് ഇതുവരെ സുഖം പ്രാപിച്ചത്.
ഇന്നലെ മാത്രം 460 മരണങ്ങളാണ് രാജ്യത്ത് റിപ്പോർട് ചെയ്‌തിരിക്കുന്നത്‌. ഇതോടെ രാജ്യത്തെ ആകെ മരണസംഖ്യ 4,37,830 ആയി ഉയർന്നു. സജീവമായ കേസുകളുടെ എണ്ണം 3,68,558 ആയി ഉയർന്നിട്ടുണ്ട്. 24 മണിക്കൂറിനുള്ളിൽ സജീവ കേസുകളുടെ എണ്ണത്തിൽ 8,783 രോഗികളുടെ വർധനവ് രേഖപ്പെടുത്തിയിട്ടുണ്ട്. 31,265 പുതിയ പോസിറ്റീവ് കേസുകളും, 153 മരണങ്ങളുമായി കേരളം തന്നെയാണ് രാജ്യത്ത് മുന്നിട്ട് നിൽക്കുന്നത്.
Read Also: ഇന്ത്യ-ബംഗ്ളാദേശ് എയർ ബബിൾ കരാർ സെപ്റ്റംബർ 3 മുതൽ നിലവിൽ വരും
