ന്യൂഡെൽഹി: രാജ്യത്ത് കഴിഞ്ഞ 24 മണിക്കൂറിനുള്ളിൽ 38,949 പുതിയ കോവിഡ് കേസുകൾ റിപ്പോർട് ചെയ്‌തു. ഇന്നലെ മാത്രം 542 പേർക്കാണ് ജീവൻ നഷ്‌ടമായത്. ഇതോടെ രാജ്യത്തെ ആകെ കോവിഡ് ബാധിതരുടെ എണ്ണം 3.1 കോടിയായി ഉയർന്നു. ആകെ മരണസംഖ്യ 4.12 ലക്ഷമാണ്. 4,30,422 പേരാണ് ഇപ്പോൾ ചികിൽസയിൽ കഴിയുന്നത്. 3,01,83,876 പേരാണ് ഇതുവരെ രോഗമുക്‌തി നേടിയത്.
അതേസമയം, രാജ്യത്ത് കോവിഡ് രോഗമുക്‌തി നിരക്ക് 97.28 ശതമാനമായി വർധിച്ചു. കഴിഞ്ഞ 24 മണിക്കൂറിനുള്ളിൽ 40,026 രോഗികൾ സുഖം പ്രാപിച്ചു. കഴിഞ്ഞ കുറച്ചു നാളുകളായി പ്രതിവാര പോസിറ്റിവിറ്റി നിരക്ക് 5 ശതമാനത്തിൽ താഴെയാണ്. നിലവിൽ ഇത് 2.14 ശതമാനം മാത്രമാണ്. പ്രതിദിന പോസിറ്റിവിറ്റി നിരക്ക് 1.99 ശതമാനമാണ്. 44 കോടിയോളം പരിശോധനകളാണ് രാജ്യത്ത് ഇതുവരെ നടത്തിയതെന്ന് കേന്ദ്ര ആരോഗ്യ മന്ത്രാലയം അറിയിച്ചു.
Read Also: ജമ്മു കശ്‌മീരിൽ ഏറ്റുമുട്ടൽ; 2 ഭീകരർ കൊല്ലപ്പെട്ടു, 2 ജവാൻമാർക്ക് പരിക്ക്
