ന്യൂഡെൽഹി: രാജ്യത്ത് കഴിഞ്ഞ 24 മണിക്കൂറിൽ 3,29,942 പേർ കൂടി കോവിഡ് ബാധിതരായി. കഴിഞ്ഞ ദിവസങ്ങളിൽ പ്രതിദിന രോഗികളുടെ എണ്ണതിൽ കുറവ് രേഖപ്പെടുത്തിയിട്ടുണ്ട്. 3,876 മരണങ്ങളാണ് സ്ഥിരീകരിച്ചത്. ഇതോടെ ഇന്ത്യയിൽ ആകെ രോഗബാധിതരായ ആളുകളുടെ എണ്ണം 2.29 കോടി കടന്നു. ഇതിൽ 37.15 ലക്ഷം പേർ നിലവിൽ ചികിൽസയിലാണ്. 1.90 കോടി പേർ ഇതുവരെ രോഗമുക്തി നേടി.
കോവിഡ് രണ്ടാം തരംഗം പിടിമുറുക്കുമ്പോൾ രാജ്യത്തെ വാക്സിനേഷൻ നിരക്ക് അപകടകരമായ വിധത്തിൽ കുറയുന്നതായാണ് സൂചനകൾ. രോഗ വ്യാപനം തീവ്രമായിരിക്കുന്ന ഗ്രാമ പ്രദേശങ്ങളിലാണ് വാക്സിനേഷൻ നിരക്കിൽ കാര്യമായ കുറവ് ഉണ്ടാകുന്നതെന്ന് ഇന്ത്യൻ എക്സ്പ്രസ് റിപ്പോർട് ചെയ്യുന്നു.
ചെറിയ സംസ്ഥാനങ്ങളിലെ മരണ നിരക്ക് ഉയരുന്നതും ആശങ്ക സൃഷ്ടിക്കുന്നുണ്ട്. ജാർഖണ്ഡ്, ഹരിയാന, ചണ്ഡീഗഢ്, പഞ്ചാബ് തുടങ്ങിയ ചെറിയ സംസ്ഥാനങ്ങളിൽ മരണനിരക്ക് കുറയുകയാണ്. ഉത്തരാഖണ്ഡ്, മഹാരാഷ്ട്ര തുടങ്ങിയ വലിയ സംസ്ഥാനങ്ങളിലും ദിവസവും അധിക മരണ നിരക്കാണ് രേഖപ്പെടുത്തുന്നത്.
Read Also: കോവിഡ് ചികിൽസയ്ക്ക് ചാണകം; പ്രതിഷേധവുമായി ആരോഗ്യ വിദഗ്ധർ