തിരുവനന്തപുരം : സ്വര്‍ണ്ണക്കടത്ത് കേസുമായി ബന്ധപ്പെട്ട് മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി എം ശിവശങ്കറിനെ ചോദ്യം ചെയ്യാനൊരുങ്ങി കസ്‌റ്റംസ്. ചോദ്യം ചെയ്യാനുള്ള അനുവാദത്തിനായി കസ്‌റ്റംസ് കോടതിയെ സമീപിച്ചു. എറണാകുളം പ്രിൻസിപ്പല്‍ സെഷന്‍സ് കോടതിയിലാണ് ഇതുമായി ബന്ധപ്പെട്ട അപേക്ഷ സമര്‍പ്പിച്ചത്. ശിവശങ്കറിനെ ജയിലില്‍ വച്ച് ചോദ്യം ചെയ്യണമെന്നാണ് കസ്‌റ്റംസ് അപേക്ഷയില്‍ ആവശ്യപ്പെട്ടിരിക്കുന്നത്.
സ്വര്‍ണ്ണക്കടത്ത് കേസുമായി ബന്ധമുണ്ടെന്ന് എൻഫോഴ്‌സ്‌മെൻറ് ഡയറക്‌ടറേറ്റിന്റെ കണ്ടെത്തലിനെ തുടര്‍ന്നാണ് ശിവശങ്കറിനെ ചോദ്യം ചെയ്യാനുള്ള നടപടികളുമായി കസ്‌റ്റംസ് മുന്നോട്ട് പോകാന്‍ തീരുമാനിച്ചത്. സ്വര്‍ണ്ണക്കടത്തുമായി ബന്ധപ്പെട്ട് ശിവശങ്കറിനെതിരെ കേസ് രജിസ്‌റ്റര്‍ ചെയ്യാനും കസ്‌റ്റംസ് നീക്കം നടത്തുന്നുണ്ട്. ഒപ്പം തന്നെ ഡോളര്‍ കടത്തിയ കേസിലും, ഈന്തപ്പഴം ഇറക്കുമതി ചെയ്‌ത കേസിലും ശിവശങ്കറിനെതിരെ കേസ് രജിസ്‌റ്റര്‍ ചെയ്യാനും പ്രതി ചേര്‍ക്കാനുമുള്ള നടപടികളും പുരോഗമിക്കുന്നുണ്ട്.
Read also : യുവതിയോട് അശ്‌ളീല പരാമർശം നടത്തിയ കേസ്; നടൻ വിനായകന് ജാമ്യം
