തിരുവനന്തപുരം: മുഖ്യമന്ത്രിയുടെ മുൻ പ്രിൻസിപ്പൽ സെക്രട്ടറി എം ശിവശങ്കറിന്റെ സ്വയം വിരമിക്കൽ അപേക്ഷ നിരസിച്ച് സംസ്ഥാന സർക്കാർ. വിആർഎസ് എടുത്തു പോകേണ്ടയാളല്ല ശിവശങ്കറെന്നും മുഖ്യമന്ത്രി പിണറായി വിജയൻ വ്യക്തമാക്കി. 2023 ജനുവരി വരെ സർവീസ് കാലാവധി ബാക്കി നിൽക്കെയാണ് എം ശിവശങ്കർ വിരമിക്കൽ അപേക്ഷ നൽകിയത്.
കുറച്ചു ദിവസങ്ങൾക്ക് മുൻപാണ് എം ശിവശങ്കർ മുഖ്യമന്ത്രിക്ക് സ്വയം വിരമിക്കലിനുള്ള അപേക്ഷ സമർപ്പിച്ചത്. നിലവില് കായിക വകുപ്പ് സെക്രട്ടറി സ്ഥാനത്തുള്ള ശിവശങ്കര് സ്വര്ണക്കടത്ത് കേസിനെ തുടര്ന്ന് ദീര്ഘകാലം സസ്പെന്ഷനിലായിരുന്നു. കൂടാതെ ഇന്നലെ ചേർന്ന മന്ത്രിസഭായോഗത്തിൽ മൃഗസംരക്ഷണം, ക്ഷീര സംരക്ഷണം എന്നീ വകുപ്പുകളുടെ അധിക ചുമതല കൂടി അദ്ദേഹത്തിന് നൽകിയിരുന്നു.
Read also: തൃശൂരിലെ ഗ്യാസ് ഏജൻസിയിൽ വൻ സ്ഫോടനം; ആളപായമില്ല