യുഎഇ : കഴിഞ്ഞ 24 മണിക്കൂറില് രാജ്യത്ത് 1,313 ആളുകള്ക്ക് കൂടി കോവിഡ് സ്ഥിരീകരിച്ചു. നിലവില് രാജ്യത്തെ ആകെ കോവിഡ് ബാധിതരുടെ എണ്ണം 1,80,150 ആയി ഉയര്ന്നെന്ന് ആരോഗ്യ രോഗപ്രതിരോധ മന്ത്രാലയം വ്യക്തമാക്കി. കൂടാതെ കഴിഞ്ഞ ദിവസവും രാജ്യത്ത് കോവിഡ് ബാധിച്ചു മരിച്ചത് 2 പേരാണ്. രാജ്യത്തിതുവരെ കോവിഡ് ബാധിച്ച് 598 ആളുകളാണ് മരിച്ചത്. രോഗികളുടെ എണ്ണം ആയിരത്തിന് മുകളില് തുടരുമ്പോഴും കോവിഡ് ബാധിച്ചു മരിക്കുന്ന ആളുകളുടെ എണ്ണത്തിൽ രാജ്യത്ത് കുറവ് രേഖപ്പെടുത്തുന്നുണ്ട്.
കഴിഞ്ഞ ദിവസം രാജ്യത്ത് കോവിഡ് മുക്തി നേടിയ ആളുകളുടെ എണ്ണം 789 ആണ്. ഇതുവരെ രാജ്യത്ത് രോഗമുക്തരായ ആകെ ആളുകളുടെ എണ്ണം 1,61,084 ആണ്. നിലവില് രാജ്യത്തിന്റെ വിവിധ ഭാഗങ്ങളിലായി 18,468 ആളുകളാണ് ചികിൽസയില് കഴിയുന്നത്. കഴിഞ്ഞ ദിവസം മാത്രം രാജ്യത്ത് 1,49,798 സാംപിളുകള് പരിശോധിച്ചതായി ആരോഗ്യ രോഗപ്രതിരോധ മന്ത്രാലയം വ്യക്തമാക്കി. കൂടാതെ രാജ്യത്ത് ആകെ 1.76 കോടിയിലധികം കോവിഡ് പരിശോധനകള് ഇതുവരെ നടത്തിയിട്ടുണ്ടെന്നും അധികൃതര് വ്യക്തമാക്കുന്നുണ്ട്.
Read also : സൗദിയിൽ വിനോദ പരിപാടികൾ ജനുവരിയിൽ വീണ്ടും ആരംഭിക്കും