കൊച്ചി: കവിയും ഗാനരചയിതാവുമായ മുരുകൻ കാട്ടാക്കടക്ക് വധഭീഷണി. രാഹുൽ കൈമല ഒരുക്കുന്ന ‘ചോപ്പ്’ എന്ന സിനിമക്കായി എഴുതിയ ‘മനുഷ്യനാകണമെന്ന’ കവിതയെ ചൊല്ലിയാണ് ഭീഷണി. നിയമസഭാ തിരഞ്ഞെടുപ്പിന്റെ പശ്ചാത്തലത്തിൽ ഗാനം ഏറെ ശ്രദ്ധിക്കപ്പെട്ടിരുന്നു. വോട്ടെടുപ്പ് കഴിഞ്ഞ് ഇന്നലെയാണ് കവിക്കെതിരെ ഭീഷണി ഉയർന്നത്.
ഭീഷണി വന്നത് മഹാരാഷ്ട്രയിൽ നിന്നാണെന്ന് കവി പറഞ്ഞു. അത്തരത്തിൽ ഒരു കവിത എഴുതിയത് തെറ്റായിപ്പോയെന്നും ഈ കവിത എഴുതിയതോടെ തന്റെ പതനം ആരംഭിച്ചു എന്നുമായിരുന്നു ഭീഷണി. ഇത്തരം കവിതകൾ എഴുതരുതെന്നും ആവർത്തിച്ചാൽ വധിക്കാന് ഒരു സംഘത്തെ നിയോഗിക്കുമെന്നും ഭീഷണിപെടുത്തി. എന്നാൽ ഭീഷണിക്ക് വഴങ്ങില്ലെന്നും സംഭവത്തിൽ പൊലീസിന് പരാതി നൽകുമെന്നും മുരുകൻ കാട്ടാക്കട കൂട്ടിച്ചേർത്തു.
Read also: മുസ്ലിം ലീഗിന്റേത് പ്രാകൃതമായ നടപടി; എംവി ജയരാജൻ