തിരുവനന്തപുരം: സംസ്ഥാന പോലീസില് ഗുണ്ടാ ബന്ധമുള്ളവരും ഉണ്ടെന്ന് ഡിജിപി അനില് കാന്ത്. ഇത്തരക്കാരെ കണ്ടെത്തി കേസെടുക്കണമെന്ന് ഉന്നത പോലീസ് ഉദ്യോഗസ്ഥരുടെ യോഗത്തിൽ അനില്കാന്ത് നിദേശം നൽകി. ഗുണ്ടകള്ക്ക് ചില പൊലീസുകാരുമായി ബന്ധമുണ്ടെന്ന് മനസിലായി. വര്ഗീയ സംഘര്ഷങ്ങളും കൊലപാതങ്ങളും സംസ്ഥാനത്ത് ഉണ്ടാകാതിരിക്കാൻ ശ്രദ്ധിക്കണം. കൊലവിളി പ്രസംഗം നടത്തുന്ന സംഘടനാ നേതാക്കളെ അറസ്റ്റ് ചെയ്ത് നടപടി സ്വീകരിക്കണമെന്നും ഡിജിപി പറഞ്ഞു.
പിസി ജോര്ജ് വിഷയം, ആര്എസ്എസ്- എസ്ഡിപിഐ സംഘര്ഷം തുടങ്ങിയവയുടെ പശ്ചാത്തലത്തിലാണ് ഡിജിപിയുടെ അധ്യക്ഷതയില് യോഗം ചേര്ന്നത്. പോലീസ് ആസ്ഥാനത്തായിരുന്നു യോഗം. പിസി ജോര്ജ് വിഷയത്തില് നേരത്തെ മുഖ്യമന്ത്രി പിണറായി വിജയനും ഉന്നത പൊലീസ് ഉദ്യോഗസ്ഥരെ വിളിപ്പിച്ചിരുന്നു.
Read also: അധ്യാപകൻ വിദ്യാർഥികളെ പീഡിപ്പിച്ച സംഭവം; സ്കൂളിനെതിരെ അന്വേഷണം പ്രഖ്യാപിച്ചു