കൊല്ലം: പെരുമ്പുഴയില് മുന് പഞ്ചായത്ത് പ്രസിഡണ്ടിന്റെ വീടിന് സമീപം യുവതി ജീവനൊടുക്കി. പെരുമ്പുഴ സ്വദേശി മിനി(40) ആണ് മരിച്ചത്. ഇല്ലം പള്ളൂര് മുന് പഞ്ചായത്ത് പ്രസിഡണ്ട് ജലജ ഗോപന്റെ വീടിന് സമീപമാണ് മിനിയെ തൂങ്ങി മരിച്ച നിലയിൽ കണ്ടെത്തിയത്. വീട് നിർമാണവുമായി ബന്ധപ്പെട്ടുണ്ടായ തർക്കങ്ങളാണ് മിനിയുടെ ആത്മഹത്യക്ക് കാരണമെന്നാണ് പോലീസിന്റെ പ്രാഥമിക നിഗമനം.
മരിച്ച മിനിയും ജലജയും അടുത്ത ബന്ധുക്കളാണ്. ജലജയുടെ ഭർത്താവാണ് മിനിയുടെ വീടിന്റെ നിർമാണ കരാർ ഏറ്റെടുത്തിരുന്നത്. എന്നാൽ, മൂന്ന് വർഷമായിട്ടും വീടിന്റെ നിർമാണം പൂർത്തിയാക്കിയില്ല. 9 ലക്ഷത്തോളം രൂപക്കാണ് കരാർ നൽകിയിരുന്നത്. വീണ്ടും ഇയാൾ പണം ആവശ്യപ്പെട്ടുവെന്ന് മിനിയുടെ അമ്മ ആരോപിക്കുന്നു. ഇതുമായി ബന്ധപ്പെട്ട് തർക്കങ്ങൾ ഉണ്ടായെന്നും മിനിക്ക് മർദ്ദനം ഏറ്റിരുന്നുവെന്നും അമ്മ ആരോപിച്ചു. സംഭവത്തെ തുടർന്ന് മിനി മാനസിക വിഷമത്തിൽ ആയിരുന്നുവെന്നും അമ്മ പറയുന്നു.
ഇന്ന് പുലർച്ചെ ജലജ ഗോപന്റെ വീട്ടിലെ കിണറിന് സമീപമാണ് മിനിയുടെ മൃതദേഹം കണ്ടെത്തിയത്. അസ്വാഭാവിക മരണത്തിന് പോലീസ് കേസെടുത്തിട്ടുണ്ട്. മിനിയുടെ ബന്ധുക്കളുടെ പരാതിയിൽ വിശദമായ അന്വേഷണം നടത്തുമെന്നും പോലീസ് അറിയിച്ചു.
Also Read: ‘വർത്തമാന’ത്തിന് വിലക്ക് വെച്ച തീരുമാനം; ആര്യാടൻ ഷൗക്കത്ത് നിയമ നടപടിയിലേക്ക്