ചക്കിട്ടപാറ: പെരുവണ്ണാമൂഴി കുടുംബാരോഗ്യ കേന്ദ്രത്തിൽ വാക്സിനേഷൻ മുടങ്ങി. രജിസ്ട്രേഷനെ ചൊല്ലിയുള്ള തർക്കം മൂലം രണ്ട് മണിക്കൂറോളമാണ് കുത്തിവെപ്പ് നിർത്തിവെച്ചത്. ഇന്നലെ രജിസ്റ്റർ ചെയ്തവർക്ക് ക്രമമനുസരിച്ചാണു കുത്തിവെപ്പ് നടത്തുന്നതിനിടെ വാക്സിന് രജിസ്റ്റർ ചെയ്യാത്തവർ കുത്തിവെപ്പ് ആവശ്യപ്പെട്ട് രംഗത്തെത്തി. ആരോഗ്യവകുപ്പ് അധികൃതർ ഇവർക്ക് വാക്സിൻ നിഷേധിച്ചതാണ് തർക്കത്തിന് കാരണമായത്.
ദിവസേനെ 150 പേർക്കാണ് ഇവിടെ വാക്സിൻ നൽകുന്നത്. പ്രശ്നത്തെ തുടർന്ന് പെരുവണ്ണാമൂഴി പോലീസ് സ്ഥലത്തെത്തി സ്ഥിതി ശാന്തമാക്കി. ശേഷം കുത്തിവെപ്പ് തുടരുകയും ചെയ്തു. തിങ്കളാഴ്ച വരെയുള്ള വാക്സിനേഷൻ ബുക്കിങ് ഇപ്പോൾ പൂർത്തിയായിട്ടുണ്ട്. കുത്തിവെപ്പിന് വരുന്നവർ മുൻകൂട്ടി പേര് ഓൺലൈൻ രജിസ്റ്റർ ചെയ്യണമെന്ന് മെഡിക്കൽ ഓഫിസർ ഡോ.എംഎ ഷാരോൺ അറിയിച്ചു.
Also Read: കോവിഡ് വ്യാപനം; വടകര മേഖലയിലെ എഫ്എൽടിസികൾ ഉടൻ തുറക്കും