ഡെല്ഹി: കോവാക്സിന് സ്വീകരിച്ചതിനു ശേഷം കുട്ടികള്ക്ക് വേദന സംഹാരികളോ പാരസെറ്റമോളോ നല്കേണ്ടെന്ന് വാക്സിന് നിര്മാതാക്കളായ ഭാരത് ബയോടെക്. ചില വാക്സിനുകള്ക്കൊപ്പം പാരസെറ്റാമോള് നല്കുന്നു, എന്നാല് കോവാക്സിന്റെ കാര്യത്തില് ഇതാവശ്യമില്ലെന്നാണ് ഭാരത് ബയോടെക് വ്യക്തമാക്കുന്നത്.
ചില കുത്തിവെപ്പ് കേന്ദ്രങ്ങള് 500 എംജി പാരസെറ്റമോള് ഗുളികള് നല്കുന്നുണ്ടെന്ന് റിപ്പോര്ട്ടുകള് വന്നതിനു പിന്നാലെയാണ് കമ്പനിയുടെ വിശദീകരണം. രാജ്യത്തെ 15നും 18നുമിടയില് പ്രായം വരുന്ന കൗമാരക്കാര്ക്ക് കഴിഞ്ഞ ദിവസമാണ് വാക്സിന് നല്കാന് ആരംഭിച്ചത്.
ക്ളിനിക്കല് ട്രയല്സില് പങ്കെടുത്ത 30000 ആളുകളില് 10- 20 ശതമാനം പേരില് മാത്രമാണ് പാര്ശ്വഫലങ്ങള് കണ്ടതെന്നും ഭാരത് ബയോടെക് വ്യക്തമാക്കുന്നു. എന്നാല് മരുന്ന് കഴിക്കാതെ തന്നെ ഒന്നോ രണ്ടോ ദിവസങ്ങള്ക്കുള്ളില് ഈ ബുദ്ധിമുട്ടുകള് വിട്ടുമാറുന്നുണ്ടെന്നും കമ്പനി അവകാശപ്പെടുന്നു.
Read Also: സ്വത്ത് വിവാദം; എന്കെ പ്രേമചന്ദ്രന് എംപിക്കെതിരെ കേസെടുത്തു