കൊല്ലം: ആര്എസ്പി നേതാവ് ആര്എസ് ഉണ്ണിയുടെ സ്വത്ത് തട്ടിയെടുക്കാന് ശ്രമിച്ചെന്ന ചെറുമക്കളുടെ പരാതിയില് എന്കെ പ്രേമചന്ദ്രന് എംപിക്കെതിരെ കേസെടുത്തു. എംപി ഉൾപ്പടെ നാല് പേര്ക്കെതിരെയാണ് കൊല്ലം ശക്തികുളങ്ങര പോലീസ് കേസെടുത്തത്.
മറ്റൊരാളുടെ സ്വത്തില് അതിക്രമിച്ചു കടന്നതിനും വധഭീഷണി മുഴക്കിയതിനും സംഘം ചേര്ന്നതിനുമാണ് എഫ്ഐആര് രജിസ്റ്റർ ചെയ്തത്.
ആര്എസ് ഉണ്ണിയുടെ സ്വത്ത് തട്ടിയെടുക്കല് വിവാദത്തില് എന്കെ പ്രേമചന്ദ്രൻ എംപിയുടെ പേര് വെളിപ്പെടുത്തിയ തന്നെയും സഹോദരിയേയും വീണ്ടും ഭീഷണിപ്പെടുത്തുന്നുവെന്ന് ചെറുമകള് അഞ്ജന കഴിഞ്ഞ ദിവസം വെളിപ്പെടുത്തിയിരുന്നു.
എന്കെ പ്രേമചന്ദ്രന്റെ പേര് പറഞ്ഞതാണ് ഭീഷണിക്ക് കാരണമെന്നും ആര്എസ് ഉണ്ണിയുടെ ചെറുമകള് വ്യക്തമാക്കി. ആര്എസ് ഉണ്ണിയുടെ ഉടമസ്ഥാവകാശത്തില്പ്പെട്ട സ്വത്ത് കൈക്കലാക്കിയ എന്കെ പ്രേമചന്ദ്രന് എംപി പ്രസിഡണ്ടായ ആര്എസ് ഉണ്ണി ഫൗണ്ടേഷനെതിരെ വാര്ത്താ സമ്മേളനം നടത്തിയതും എംപിയുടെ ഇടപെടലിനെ കുറിച്ച് തുറന്നു പറഞ്ഞതുമാണ് പ്രകോപനത്തിന് പിന്നിലെന്നും ഇവർ പറയുന്നു.
Most Read: സുരക്ഷാ വീഴ്ച; പഞ്ചാബ് സർക്കാർ ഇന്ന് കേന്ദ്രത്തിന് റിപ്പോർട് നൽകിയേക്കും