ചൈനയുടെ ലാബിലാണ് കോവിഡ് വൈറസ് സൃഷ്ടിച്ചത് എന്ന വെളിപ്പെടുത്തല് നടത്തിയ ഗവേഷകയുടെ അക്കൗണ്ട് സസ്പെന്ഡ് ചെയ്ത് ട്വിറ്റര്. ലോകത്തില് കോടിക്കണക്കിന് ആളുകളെ രോഗബാധിതരാക്കുകയും ലക്ഷക്കണക്കിന് ജീവനുകള് എടുക്കുകയും ചെയ്ത മാരക വൈറസിന്റെ ഉത്ഭവം, ചൈനയിലെ വുഹാനിലെ ഒരു പരീക്ഷണ ശാലയിലാണ് നടന്നതെന്നാണ് ചൈനീസ് വൈറോളജിസ്റ്റും ഗവേഷകയുമായ ഡോ. ലീ മെങ് യാന് വെളിപ്പെടുത്തിയത്.
കോവിഡ് വൈറസ് മനുഷ്യ നിര്മ്മിതം ആയിരുന്നുവെന്ന ഡോ. ലീ മെങ് യാന്റെ വെളിപ്പെടുത്തല് ലോകത്തെയാകമാനം ഞെട്ടിച്ചിരുന്നു. ഇതിന് പിന്നാലെ ഡോ. ലീയുടെ ട്വിറ്റര് സോഷ്യല് മീഡിയ അക്കൗണ്ട് സസ്പെന്ഡ് ചെയ്യപ്പെടുകയായിരുന്നു. മണിക്കൂറുകള്ക്കുള്ളില് ആയിരക്കണക്കിന് പുതിയ ഫോളോവേഴ്സാണ് ഡോ. ലീയുടെ ട്വിറ്റര് അക്കൗണ്ടിനെ ഫോളോ ചെയ്തത്.
ഇതോടെ സമൂഹ മാദ്ധ്യമങ്ങളായ ട്വിറ്റര്, ഫേസ്ബുക്ക് എന്നിവ വന്കിട ശക്തികളുമായി കൂട്ടുചേര്ന്ന് പ്രവര്ത്തിക്കുകയാണെന്ന ആരോപണം ശക്തമാവുകയാണ്. ചില അതി ശക്തരായവരുടെ താല്പര്യങ്ങള് നിമിത്തമാണ് ട്വിറ്റര് അധികൃതര് ഡോ. ലിയുടെ അക്കൗണ്ട് സസ്പെന്ഡ് ചെയ്തത് എന്നാണ് ജനങ്ങള് ആരോപിക്കുന്നത്. ഇത്തരത്തിലുള്ള ആക്ഷേപങ്ങള് നേരത്തെ ഫേസ്ബുക്കും നേരിട്ടിട്ടുണ്ട്.