കുവൈറ്റ് സിറ്റി: ചെറിയ പെരുന്നാളിനോട് അനുബന്ധിച്ച് കുവൈറ്റിൽ ഒൻപത് ദിവസം അവധി. കഴിഞ്ഞ ദിവസം സിവിൽ സർവീസ് കമ്മീഷനാണ് രാജ്യത്തെ ഔദ്യോഗിക അവധി ദിനങ്ങൾ പ്രഖ്യാപിച്ചത്. ഇതനുസരിച്ച് മെയ് ഒന്ന് ഞായറാഴ്ച മുതൽ മെയ് അഞ്ച് വ്യാഴാഴ്ച വരെയാണ് അവധി ലഭിക്കുക.
വെള്ളി, ശനി ദിവസങ്ങളിലെ വാരാന്ത്യ അവധി ദിനങ്ങൾ കൂടി കണക്കിലെടുക്കുമ്പോൾ ആകെ അവധി ദിനങ്ങൾ ഒന്പതായി മാറും. രാജ്യത്തെ മന്ത്രാലയങ്ങളും സർക്കാർ സ്ഥാപനങ്ങളും അവധിക്ക് ശേഷം മെയ് എട്ട് ഞായറാഴ്ച പ്രവർത്തനം പുനരാരംഭിക്കുമെന്നും ഔദ്യോഗിക വാർത്താ കുറിപ്പിൽ പറയുന്നു. ഫലത്തിൽ ഏപ്രിൽ 29 വെള്ളിയാഴ്ച മുതൽ മെയ് ഏഴ് ശനിയാഴ്ച വരെ പൊതുമേഖലക്ക് അവധി ലഭിക്കും.
Most Read: സംഘർഷം വ്യാപിക്കാൻ സാധ്യത; കൂടുതൽ ജില്ലകൾക്ക് ഡിജിപിയുടെ ജാഗ്രതാ നിർദ്ദേശം