കണ്ണൂർ: തിരഞ്ഞെടുപ്പിൽ കൃത്രിമം കാണിക്കാൻ ഇടതുപക്ഷം ഉദ്യോഗസ്ഥരെ ഉപയോഗിക്കുന്നു എന്ന് കെ സുധാകരൻ എംപി. സിപിഐഎം ശക്തി കേന്ദ്രങ്ങളിൽ പോളിങ് ഉദ്യോഗസ്ഥരായി വനിതകളെയാണ് നിയോഗിക്കുന്നത്. പുരുഷൻമാർക്ക് പോലും എതിർക്കാൻ പറ്റാത്ത ഇത്തരം ശക്തി കേന്ദ്രങ്ങളിൽ സ്ത്രീകൾക്ക് എങ്ങനെ പിടിച്ചു നിൽക്കാൻ കഴിയുമെന്നും കെ സുധാകരൻ ചോദിച്ചു.
80 വയസിന് മുകളിലുള്ളവർക്കുള്ള തപാൽ വോട്ടിന്റെ പേരിലും തട്ടിപ്പ് നടത്തുന്നു. എങ്ങനെയും ഇടതുപക്ഷത്തെ വിജയത്തിലേക്ക് നയിക്കണമെന്ന് ഉദ്ദേശിച്ചുള്ള തിരഞ്ഞെടുപ്പാണിത്. അതിനാലാണ് തിരഞ്ഞെടുപ്പിൽ കൃത്രിമം കാണിക്കാൻ ഉദ്യോഗസ്ഥരെ ഉപയോഗിക്കുന്നതെന്നും കെ സുധാകരൻ പറഞ്ഞു.
Read also: ബിജെപി നേതൃത്വത്തോട് വിധേയത്വം കാണിക്കുന്നു; ആന്റണിക്ക് എതിരെ ബിനോയ് വിശ്വം