ദോഹ: ഇന്ത്യ സന്ദർശിക്കാനുള്ള ക്ഷണം സ്വീകരിച്ച് ഖത്തർ അമീർ ഷെയ്ഖ് തമീം ബിൻ ഹമദ് അൽതാനി. ഏറ്റവും അടുത്തു തന്നെ ഇന്ത്യാ സന്ദര്‍ശനത്തിനെത്തുമെന്ന് പ്രധാനമന്ത്രി നരേന്ദ്രമോദിയുടെ ക്ഷണം സ്വീകരിച്ച അമീര്‍ ഉറപ്പു നല്‍കി. അമീരി ദിവാനിൽ അമീറിനെ സന്ദർശിക്കാനെത്തിയ കേന്ദ്ര വിദേശകാര്യ മന്ത്രി എസ് ജയശങ്കറാണ് ഇന്ത്യാ സന്ദർശനത്തിന് അമീറിനെ ക്ഷണിച്ചുള്ള മോദിയുടെ കത്ത് കൈമാറിയത്. കോവിഡിനിടെ ഖത്തർ ഭരണകൂടം ഇന്ത്യക്കാർക്കു നൽകിയ പരിഗണനക്ക് പ്രധാനമന്ത്രി കത്തിലൂടെ നന്ദി അറിയിച്ചു.
2021ല്‍ ഇന്ത്യയില്‍ നടക്കുന്ന പ്രഥമ സംയുക്‌ത കമ്മീഷനിൽ പങ്കെടുക്കാന്‍ വിദേശകാര്യമന്ത്രി ഷെയ്ഖ് മുഹമ്മദിനെയും കേന്ദ്രമന്ത്രി ക്ഷണിച്ചു.
ഉപപ്രധാനമന്ത്രിയും വിദേശകാര്യ മന്ത്രിയുമായ ഷെയ്ഖ് മുഹമ്മദ് ബിൻ അബ്‌ദുൽ റഹ്‌മാൻ അൽതാനിയുമായുള്ള കൂടിക്കാഴ്‌ചയിൽ, ഇന്ത്യക്കാർ ഖത്തറിന്റെ പുരോഗതിയിൽ നൽകുന്ന സംഭാവനകളും സാമ്പത്തികം, നിക്ഷേപം തുടങ്ങിയ മേഖലകളിലെ സഹകരണവും ചർച്ചയായി.
സ്വകാര്യ മേഖലയിലെ ഉഭയകക്ഷി വ്യാപാരവും നിക്ഷേപവും വർധിപ്പിക്കുന്നതിനായി ഖത്തർ ചേംബർ, ബിസിനസ്‌മെൻ അസോസിയേഷൻ അധികൃതരുമായി നടത്തിയ ചർച്ചകൾ ഫലപ്രദമെന്നാണു വിലയിരുത്തൽ.
Entertainment News: കാത്തിരിപ്പിന് വിരാമം; മാസ്‌റ്റര്‍ റിലീസ് ജനുവരി 13ന്
