ദോഹ: വിനോദസഞ്ചാര മേഖലയിൽ വൻ കുതിപ്പുമായി ഖത്തർ. ഗൾഫ് രാജ്യങ്ങളിൽ നിന്ന് മാത്രം ഈ വർഷം ജനുവരിയിൽ ഖത്തറിലെത്തിയത് നാല് ലക്ഷത്തോളം സന്ദർശകരാണ്. ആകെ സന്ദർശകരുടെ 53 ശതമാനമാണിത്. 2030 ഓടെ പ്രതിവർഷം 60 ലക്ഷം വിദേശ വിനോദ സഞ്ചാരികളെയാണ് ഖത്തർ ലക്ഷ്യമിടുന്നത്.
2023 ജനുവരിയിൽ ഒന്നരലക്ഷത്തിൽ താഴെ മാത്രമായിരുന്നു സന്ദർശകരുടെ എണ്ണം. പ്ളാനിങ് ആൻഡ് സ്‌റ്റാറ്റിസ്‌റ്റിക്‌സ് അതോറിറ്റി പുറത്തുവിട്ട ഔദ്യോഗിക കണക്കുകൾ പ്രകാരം സന്ദർശകരിൽ ഏഴ് ശതമാനം മറ്റു അറബ് രാജ്യങ്ങളിൽ നിന്നുള്ളവരാണ്.
2022 ഫിഫ ലോകകപ്പിനെ തുടർന്ന് ഖത്തറിലേക്ക് വിനോദ സഞ്ചാരികളുടെ ഒഴുക്കായിരുന്നു. ഫാൻ വിസയായി അവതരിപ്പിച്ച ഹയ്യ കാർഡ് ഏഷ്യൻ കപ്പിനായി ഖത്തർ സന്ദർശിക്കുന്നവർക്ക് ഏറെ പ്രയോജനം ചെയ്‌തിരുന്നു. ഖത്തറിലെത്തുന്ന സഞ്ചാരികളിൽ 20 ശതമാനം പേർ യൂറോപ്പിൽ നിന്നുള്ളവരാണ്. ഏഷ്യൻ കപ്പ് കാണുന്നതിനായി ജനുവരിയിൽ മാത്രം ഏഴ് ലക്ഷത്തിലധികം പേരാണ് ഖത്തറിലെത്തിയത്.
Most Read| ഗുലാബ് സിങ്ങിന്റെ വസതിയിൽ ഇഡി റെയ്‌ഡ്‌; ഇന്ത്യ ഏകാധിപത്യത്തിലേക്ക് എന്ന് എഎപി
