യുഎഇ : ലിംഗസമത്വം ഉയര്ത്തിപ്പിടിക്കുന്നതിന്റെ ഭാഗമായി സ്വകാര്യ മേഖലയില് സ്ത്രീകള്ക്കും പുരുഷന്മാര്ക്കും തുല്യ വേതനം നിശ്ചയിച്ചുകൊണ്ടുള്ള ഉത്തരവ് യുഎഇ ല് ഇന്ന് മുതല് പ്രാബല്യത്തില് വരും. കഴിഞ്ഞ ഓഗസ്റ്റ് 25 ആം തീയതിയാണ് വേതനത്തില് തുല്യത നിശ്ചയിച്ചു കൊണ്ടുള്ള ഉത്തരവ് പുറത്തിറക്കിയത്. യുഎഇ പ്രസിഡണ്ട് ശൈഖ് ഖലീഫ ബിന് സായിദ് അല് നഹ്യാന് ആണ് ഇത് സംബന്ധിച്ച ഉത്തരവ് പുറത്തിറക്കിയത്. വേതനത്തില് ലിംഗസമത്വം കൊണ്ടുവരാനായി 1980 ലെ ഫെഡറല് നിയമത്തില് മാറ്റം കൊണ്ടുവരികയാണ് ചെയ്തത്.
ഉത്തരവ് പ്രാബല്യത്തില് വന്നതോടെ ഇനി മുതല് തുല്യ ജോലി ചെയ്യുന്ന അല്ലെങ്കില് തുല്യ മൂല്യമുള്ള മറ്റൊരു ജോലി ചെയ്യുന്ന സ്ത്രീകള്ക്കും പുരുഷന്മാര്ക്കും ഒരേ വേതനം ആയിരിക്കും ലഭിക്കുക. ഇതിനായി തുല്യ മൂല്യമുള്ള ജോലികള് വിലയിരുത്തുന്നതിനാവശ്യമായ നടപടികള് ഉടന് തന്നെ ആരംഭിക്കും. മാനവവിഭവ ശേഷി, സ്വദേശിവല്ക്കരണ മന്ത്രി എന്നിവരുടെ നിര്ദ്ദേശപ്രകാരം മന്ത്രിസഭയില് ഇതുമായി ബന്ധപ്പെട്ട് അന്തിമതീരുമാനമെടുക്കും.
ലിംഗസമത്വം ഉയര്ത്തിപ്പിടിക്കുന്നതിലൂടെ രാജ്യത്തിന്റെ പ്രാദേശിക, അന്തര്ദേശീയ നില ശക്തിപ്പെടുമെന്ന് മന്ത്രാലയം വ്യക്തമാക്കി. അതിന് പുതിയ നിയമഭേദഗതി കൂടുതല് സഹായകരമാകും എന്നും മന്ത്രാലയം കൂട്ടിച്ചേര്ത്തു. 2020ലെ വേള്ഡ് ഇക്കണോമിക് ഫോറത്തിന്റെ ഗ്ലോബല് ജെന്ഡര് ഗ്യാപ്പ് റിപ്പോര്ട്ട് അനുസരിച്ച് വേതനത്തില് ലിംഗവ്യത്യാസം ഒഴിവാക്കുന്നതില് യുഎഇ മുന്നിലാണെന്നും ഔദ്യോഗിക വാര്ത്താ ഏജന്സി റിപ്പോര്ട്ട് ചെയ്യുന്നുണ്ട്.
Read also : വിദ്യാര്ഥികളുടെ പ്രീമെട്രിക് സ്കോളര്ഷിപ്പിന് അപേക്ഷ ക്ഷണിച്ചു