ലണ്ടൻ: യൂറോ കപ്പ് ഫുട്ബോളിൽ ഗ്രൂപ്പ് ഡിയിൽ നിന്ന് പ്രീ ക്വാർട്ടർ ഉറപ്പിക്കാൻ ഇംഗ്ളണ്ടും ചെക് റിപ്പബ്ളിക്കും ഇന്നിറങ്ങും. സമനില നേടിയാൽ ഇരു ടീമുകൾക്കും അടുത്ത ഘട്ടത്തിലേക്ക് മുന്നേറാം. അതേസമയം മറ്റൊരു മൽസരത്തിന് ഇറങ്ങുന്ന ലോകകപ്പ് ഫൈനലിസ്‌റ്റുകളായ ക്രൊയേഷ്യക്ക് പ്രീ ക്വാർട്ടർ പ്രതീക്ഷ നിലനിർത്താൻ സ്‍കോട്‍ലൻഡിനെ തോൽപ്പിച്ചേ തീരൂ.
ആദ്യ കളിയിൽ ക്രൊയേഷ്യയെ തോൽപ്പിച്ച് തുടങ്ങിയ ഇംഗ്ളണ്ട് പക്ഷേ, ഫുട്ബോളിലെ ബദ്ധവൈരികളായ സ്‍കോട്‍ലൻഡിനോട് നിറം മങ്ങി. സ്‍കോട്‍ലൻഡിനെതിരെ ഗോൾരഹിത സമനിലയിൽ കുരുങ്ങിയ ഇംഗ്ളണ്ടിന് രണ്ട് കളിയിൽ നിന്ന് നാല് പോയിന്റുണ്ട്. ചെക് റിപ്പബ്ളിക്കിനോട് സമനില പിടിച്ചാൽ ടീമിന് പ്രീ ക്വാർട്ടർ ഉറപ്പിക്കാം.
Read Also: മാസ് ലുക്കിൽ വിജയ്; തരംഗം തീർത്ത് ‘ബീസ്‌റ്റ്’ ഫസ്‌റ്റ് ലുക്ക്
