ആലുവ: ആലുവ മണപ്പുറം മേൽപ്പാലത്തിൽ നിന്ന് മക്കളുമൊത്ത് പിതാവ് നദിയിൽ ചാടി. ആലുവ മണപ്പുറം മേൽപ്പാലത്തിൽ നിന്നാണ് കൗമാരക്കാരായ മക്കളെ പെരിയാർ നദിയിലേക്ക് എറിഞ്ഞ ശേഷം പിതാവും കൂടെ ചാടിയത്. സംഭവത്തിൽ മക്കൾ മരിച്ചു. കുട്ടികളെ തിരിച്ചറിഞ്ഞിട്ടില്ല.
13ഉം 16ഉം വയസുള്ള ഒരു ആൺകുട്ടിയും പെൺകുട്ടിയുമാണ് അപകടത്തിൽ മരിച്ചതെന്നാണ് പ്രാഥമിക വിവരം. അതേസമയം, അച്ഛനെ ഇതുവരെ കണ്ടെത്താനായിട്ടില്ല. അച്ഛനായി തിരച്ചിൽ നടത്തുകയാണ്. ഇന്ന് വൈകിട്ടാണ് ആലുവ മണപ്പുറം മേൽപ്പാലത്തിൽ സംഭവം നടന്നത്.
പിതാവ് മക്കളെ നദിയിലേക്ക് എറിയുന്നത് കണ്ടവർ ഉടൻ രക്ഷാപ്രവർത്തനം നടത്തുകയായിരുന്നു. തുടർന്ന് ജീവനോടെ മക്കളെ കണ്ടെത്തിയെങ്കിലും ആശുപത്രിയിൽ വെച്ച് മരിക്കുകയായിരുന്നു. പെൺകുട്ടി ജില്ലാ ആശുപത്രിയിലും ആൺകുട്ടി സ്വകാര്യ ആശുപത്രിയിലും വെച്ചാണ് മരിച്ചത്. ഇരുവരെയും തിരിച്ചറിഞ്ഞിട്ടില്ല.
Most Read: ജൂൺ 7 മുതൽ കാലവർഷം സജീവമായേക്കും;അടുത്ത 5 ദിവസം വ്യാപക മഴ
