കണ്ണൂർ : ജില്ലയിലെ ചെറുപുഴ പഞ്ചായത്തിൽ നരമ്പിൽ പാറയിൽ തീപിടുത്തം ഉണ്ടായി. ചെറുപുഴ സെന്റ് മേരീസ് ഫൊറോന ദേവാലയത്തിന്റെ ഉടമസ്ഥതയിലുള്ള സ്ഥലത്താണു കഴിഞ്ഞ ദിവസം തീപ്പിടിത്തം ഉണ്ടായത്. പ്രദേശത്ത് ഒറ്റപ്പെട്ട് കിടക്കുന്നതിനാൽ മദ്യപാനികളുടെയും, സാമൂഹിക വിരുദ്ധരുടെയും താവളം ആണ് ഇവിടമെന്ന് പ്രദേശവാസികൾ വ്യക്തമാക്കുന്നുണ്ട്.
ദൂരെ സ്ഥലങ്ങളിൽ നിന്നുപോലും ആളുകൾ ഇവിടെയെത്തി മദ്യപിക്കുന്നതും, മാലിന്യങ്ങൾ വലിച്ചെറിയുന്നതും പതിവ് സംഭവമാണ്. അതിനൊപ്പമാണ് ഇപ്പോൾ ഇവിടുത്തെ ഉണങ്ങിയ പുല്ലിൽ ഇവർ തീയിടുന്നതും തുടരുന്നത്. കഴിഞ്ഞ ദിവസവും ഇത്തരത്തിൽ സാമൂഹിക വിരുദ്ധരാണ് ഇവിടെ തീയിട്ടതെന്ന് നാട്ടുകാർ പറയുന്നു.
തീ പടർന്നതോടെ നാട്ടുകാർ പെരിങ്ങോം അഗ്നിശമന സേനയെ വിവരം അറിയിക്കുകയായിരുന്നു. തുടർന്നു സ്ഥലത്തെത്തിയ അഗ്നിശമന സേനാംഗങ്ങളും നാട്ടുകാരും ചേർന്നാണു തീയണച്ചത്. ഈ ഭാഗങ്ങളിൽ രാത്രികാലങ്ങളിൽ നായാട്ട് നടക്കുന്നതായും ആക്ഷേപം ഉയരുന്നുണ്ട്.
Read also : പ്രതിഷേധത്തിൽ പകച്ച് സിപിഎം; കുറ്റ്യാടിയിൽ സീറ്റ് തിരിച്ചെടുക്കാൻ ആലോചന