കോഴിക്കോട് : ജില്ലയുടെ വിവിധ ഭാഗങ്ങളിൽ അവശ്യസേവനങ്ങളിൽ ഉൾപ്പെട്ട ഗ്യാസ് ഏജൻസിയുടെ വാഹനം പോലീസ് തടയുന്നതായി പരാതി ഉയരുന്നു. കഴിഞ്ഞ മൂന്ന് ദിവസമായി സിംപിൾ ഗ്യാസ് ഏജൻസിയുടെ സിലിണ്ടർ കൊണ്ടുപോയിരുന്ന വാഹനങ്ങൾ മുക്കം ഭാഗത്ത് പോലീസ് തടഞ്ഞതായാണ് പരാതി ഉയരുന്നത്. നിലവിൽ കോവിഡിനെ തുടർന്ന് സംസ്ഥാനത്ത് കർശന നിയന്ത്രണം ഏർപ്പെടുത്തിയെങ്കിലും അവശ്യസാധനങ്ങൾ വിതരണം ചെയ്യുന്നതിന് വിലക്ക് ബാധകമല്ല.
മുക്കം കടവ് പാലത്തിന് സമീപത്ത് വച്ചാണ് ഗ്യാസ് ഏജൻസിയുടെ വാഹനം കടത്തിവിടാതെ പോലീസ് തടഞ്ഞുവച്ചതെന്ന് ഏജൻസി അധികൃതർ വ്യക്തമാക്കി. നിലവിൽ പാഴൂർ തോട്ടം റോഡിൽ പണി നടക്കുന്നതിനാൽ അതുവഴി പോകാൻ സാധിക്കില്ല. താഴെ തിരുവമ്പാടിയിൽ പ്രവർത്തിക്കുന്ന ഗോഡൗണിലേക്കുള്ള വാഹനങ്ങളാണ് പോലീസ് തടഞ്ഞു വച്ചത്.
Read also : നിർത്തിയിട്ട കാറിനുള്ളില് കുടുങ്ങി നാല് കുട്ടികള്ക്ക് ദാരുണാന്ത്യം