കൊല്ലം: കൊട്ടാരക്കരയിൽ ഭാര്യയെ വെട്ടിക്കൊന്ന് ഭർത്താവ് ജീവനൊടുക്കി. കൊട്ടാരക്കര നെടുവത്തൂരിലാണ് സംഭവം. പുല്ലാമല സ്വദേശിയായ രാജനാണ് (64) ഭാര്യ രമയെ കൊന്ന് ജീവനോടുക്കിയത്. ഇന്ന് രാവിലെ 11 മണിയോടെയാണ് കൊലപാതകം നടന്നത്.
കുടുംബ വഴക്കിനെ തുടർന്ന് രാജനും രമയും വേർപിരിഞ്ഞാണ് താമസിക്കുന്നത്. ഇന്ന് രാവിലെ റബ്ബർ തോട്ടത്തിലൂടെ നടന്ന് പോവുകയായിരുന്ന രമയെ രാജൻ പതുങ്ങിയിരുന്ന് അക്രമിച്ചെന്നാണ് വിവരം. രമയുടെ മരണം ഉറപ്പിച്ചതിന് പിന്നാലെ രാജൻ ആത്മഹത്യ ചെയ്യുകയായിരുന്നു.
ഇതിനിടെ ആക്രമണം തടയാനെത്തിയ രമയുടെ സഹോദരി രതിയുടെ കൈവിരലുകൾ രാജൻ വെട്ടിമാറ്റിയിരുന്നു. ഇവരെ ആശുപത്രിയിൽ പ്രവേശിപ്പിച്ചിരിക്കുകയാണ്. രാജൻ തൂങ്ങി മരിക്കുകയായിരുന്നു.
Most Read: സംസ്ഥാനത്ത് അടുത്ത 5 ദിവസം കൂടി മഴ തുടരും; ഇടിമിന്നലിനും സാധ്യത