തിരുവനന്തപുരം: പാറശ്ശാലയിൽ ഭർത്താവിന്റെ വെട്ടേറ്റ് ചികിൽസയിൽ ആയിരുന്ന യുവതി മരിച്ചു. പാറശ്ശാല കുഴിഞ്ഞാംവിള സ്വദേശിനി മീനയാണ് മരിച്ചത്. മുഖത്തും കഴുത്തിലും ഉൾപ്പടെ വെട്ടേറ്റ യുവതി ഗുരുതരാവസ്ഥയിൽ ആയിരുന്നു.
ഇന്നലെ രാത്രിയായിരുന്നു സംഭവം. മദ്യപിക്കാൻ പണം നൽകാത്തതിനെ തുടർന്നാണ് അമ്മയെ അച്ഛൻ വെട്ടിയതെന്നാണ് മക്കളുടെ മൊഴി. ഇന്നലെ രാത്രി തന്നെ മീനയെ തിരുവനന്തപുരം മെഡിക്കൽ കോളേജിൽ പ്രവേശിച്ചെങ്കിലും ഇന്ന് രാവിലെയോടെ മരണം സംഭവിക്കുകയായിരുന്നു. ഭാര്യയെ വെട്ടിയ ശേഷം ഭർത്താവ് ഷാജി പാറശ്ശാല പോലീസ് സ്റ്റേഷനിലെത്തി കീഴടങ്ങി.
Also Read: മാലിന്യം തള്ളിയവരെ കൊണ്ടുതന്നെ തിരികെ വാരിച്ചു; പിഴയും ഈടാക്കി വണ്ടൻമേട് പഞ്ചായത്ത്