കുവൈറ്റ് സിറ്റി: കുവൈറ്റിൽ ഒരു ഫാം കേന്ദ്രീകരിച്ച് മദ്യ നിർമാണം നടത്തിയിരുന്ന പ്രവാസിയെ ക്രിമിനൽ ഇൻവെസ്‌റ്റിഗേഷൻ വകുപ്പ് ഉദ്യോഗസ്‌ഥർ അറസ്‌റ്റ് ചെയ്‌തു. രഹസ്യ വിവരം ലഭിച്ചതിന്റെ അടിസ്‌ഥാനത്തിൽ ജഹ്‌റയിലെ ഫാമിൽ നടത്തിയ പരിശോധനയിലാണ് ഇയാൾ പിടിയിലായത്.
പ്രാദേശികമായി നിർമിച്ചതും ഇറക്കുമതി ചെയ്‌തതുമടക്കം നൂറുകണക്കിന് ബോട്ടിൽ മദ്യമാണ് അധികൃതർ പിടിച്ചെടുത്തത്. നിർമാണത്തിന് ഉപയോഗിച്ചിരുന്ന ഉപകരണങ്ങളും അസംസ്‌കൃത വസ്‌തുക്കളും കണ്ടെടുത്തിട്ടുണ്ട്. അറസ്‌റ്റിലായ വ്യക്‌തിയെയും പിടികൂടിയ സാധനങ്ങളും തുടർ നടപടികൾക്കായി ജനറൽ ഡിപാർട്മെന്റ് ഓഫ് ഡ്രഗ്‌സ്‌ ആൻഡ് ആൽക്കഹോൾ കൺട്രോളിന് കൈമാറി.
Also Read: ക്ഷുഭിതനായി ക്രിസ്‌റ്റ്യാനോ വലിച്ചെറിഞ്ഞ ‘ആംബാൻഡ്’; ലേലത്തിൽ വിറ്റുപോയത് 55 ലക്ഷം രൂപക്ക്
