ന്യൂഡെല്ഹി: കോവിഡ് മഹാമാരിയെ പ്രതിരോധിക്കാൻ ലോകത്തിലെ വിവിധ രാജ്യങ്ങളിലേക്ക് ഇന്ത്യ ഇതുവരെ വിതരണം ചെയ്തത് ആറ് കോടി വാക്സിന് ഡോസുകള്. രാജ്യങ്ങളുടെ കോവിഡ് പ്രതിരോധ യജ്ഞത്തിന് പിന്തുണ നല്കുന്നതിന്റെ ഭാഗമായാണ് ഇന്ത്യ 6 കോടി വാക്സിന് ഡോസുകള് കയറ്റി അയച്ചത്.
തദ്ദേശീയമായ വാക്സിന് ഉൽപാദനം ഇന്ത്യയില് നടക്കുന്നതിനാല് വാക്സിന് വേണ്ടി ഇന്ത്യയെ സമീപിക്കുന്ന രാജ്യങ്ങളുടെ എണ്ണം ദിനംപ്രതി വര്ധിച്ചു വരികയാണ്. ഇതുവരെ എഴുപതോളം രാജ്യങ്ങളിലേക്ക് ഇന്ത്യയില് നിന്ന് വാക്സിന് കയറ്റുമതി ചെയ്തു കഴിഞ്ഞു.
ഇന്ത്യയില് ആഭ്യന്തര ഉപയോഗത്തിന് ആവശ്യമുള്ളതിലധികം ഉൽപാദനം നടക്കുന്നുണ്ടെന്നും രാജ്യത്തിന്റെ ആവശ്യം കഴിഞ്ഞ് ശേഷിക്കുന്ന അളവ് വാക്സിന് വരും ആഴ്ചകളിലും മാസങ്ങളിലും പങ്കാളിത്ത രാജ്യങ്ങള്ക്ക് വിതരണം ചെയ്യുമെന്നും ആരോഗ്യമന്ത്രാലയം അറിയിച്ചു.
രാജ്യത്തിനാവശ്യമായ അളവ് വാക്സിന് സംഭരിക്കാന് ഉൽപാദകര്ക്ക് നിര്ദേശം നല്കിയിട്ടുണ്ടെന്നും മന്ത്രി അശ്വിനി കുമാര് ചൗബെ രാജ്യസഭയില് വ്യക്തമാക്കി. ഇന്ത്യയിൽ അനുമതി നൽകിയിട്ടുള്ള കോവാക്സിന് 81 ശതമാനവും കോവിഷീല്ഡിന് 70 ശതമാനവുമാണ് ഉപഭോക്താക്കള് ഫലപ്രാപ്തി അവകാശപ്പെടുന്നത്.
Kerala News: ഓലപാമ്പ് കാട്ടി പേടിപ്പിക്കേണ്ട, മുല്ലപ്പള്ളിയെ വെല്ലുവിളിക്കുന്നു; ലതികാ സുഭാഷ്