പൂനെ: ടെസ്‌റ്റ്, ടി-20 പരമ്പരകളിൽ നേട്ടം ആവർത്തിക്കാൻ ഇറങ്ങുന്ന ഇന്ത്യൻ ടീമിന് രണ്ടാം ഏകദിനത്തിലും ടോസ് നഷ്‌ടം. ടോസ് നേടിയ ഇംഗ്ളണ്ട് ക്യാപ്റ്റൻ ജോസ് ബട്‍ലർ ഇത്തവണയും ഇന്ത്യയെ ബാറ്റിങ്ങിന് അയച്ചു. കഴിഞ്ഞ മൽസരത്തിൽ കൈവിരലിന് പൊട്ടലേറ്റ ഇയാൻ മോർഗന് പകരം ബട്‍ലർ ഇംഗ്ളണ്ടിനെ നയിക്കും. ഇന്ത്യൻ നിരയിൽ പരുക്കേറ്റ് പുറത്തായ ശ്രേയസ് അയ്യർക്കു പകരം ഋഷഭ് പന്ത് ടീമിലെത്തി. സൂര്യകുമാർ യാദവ് അരങ്ങേറ്റ ഏകദിനത്തിന് ഇനിയും കാത്തിരിക്കണമെന്ന് ഉറപ്പായി.
ഇംഗ്ളണ്ട് നിരയിൽ മൂന്ന് മാറ്റങ്ങളാണുള്ളത്. ആദ്യ മൽസരം 66 റൺസിന് ജയിച്ച ഇന്ത്യക്ക് രണ്ടാം ജയത്തോടെ പരമ്പര സ്വന്തമാക്കുകയെന്ന ലക്ഷ്യം മാത്രമാണുള്ളത്. ഇംഗ്ളണ്ട് ആവട്ടെ സമ്പൂർണ തോൽവിയെന്ന നാണക്കേട് ഒഴിവാക്കാനാണ് പൊരുതുന്നത്. ഇന്ത്യൻ നിരയിൽ കഴിഞ്ഞ മൽസരത്തിൽ അരങ്ങേറ്റം കുറിച്ച കൃണാൽ പാണ്ഡ്യ, പ്രസീദ് കൃഷ്‌ണ എന്നിവർ ടീമിലെ സ്‌ഥാനം നിലനിർത്തി.
Read Also: തിരഞ്ഞെടുപ്പ് പ്രചാരണം; രണ്ടാം ഘട്ടത്തിനായി രാഹുൽ ഗാന്ധി പാലക്കാട് എത്തി
