പനാജി: ഐഎസ്എല്ലില്‍ ഇന്ന് ഒഡിഷ എഫ്സി-മുംബൈ സിറ്റി എഫ്സി പോരാട്ടം. രാത്രി 7:30ന് വാസ്‌കോ തിലക് മൈതാനിലാണ് മൽസരം. ഒഗ്ബെച്ചെയുടെ ഹൈദരാബാദിനോട് 6-1ന് തരിപ്പണമായതിന്റെ നാണക്കേട് മാറ്റാൻ ഉറച്ചു തന്നെയാണ് ഒഡിഷ ഇറങ്ങുന്നത്. 8 മൽസരങ്ങളിൽ നിന്നും 10 പോയിന്റാണ് ഒഡിഷ എഫ്‌സിക്കുള്ളത്.
അതേസമയം കഴിഞ്ഞ 5 മൽസരങ്ങളിൽ നിന്നും 3 ജയവും ഒരു സമനിലയും തോൽവിയുമാണ് മുംബൈ സിറ്റിക്കുള്ളത്. 16 പോയിന്റുമായി പട്ടികയിൽ അവർ ഒന്നാമതാണ്. കഴിഞ്ഞ സീസണിലെ ഗോൾഡൻ ബൂട്ട് ജേതാവായ ഇഗോർ അൻഗൂളോയാണ് മുംബൈയുടെ സൂപ്പർ താരം. ഇന്ത്യൻ താരങ്ങളായ വിക്രം പ്രതാപ് സിംഗും ബിബിൻ സിംഗും മികവുറ്റ കളിയാണ് പുറത്തെടുക്കുന്നത്.
Read Also: ഇസ്രോ ചാരക്കേസ് ഗൂഢാലോചന; സിബിഐയുടെ ഹരജി ഇന്ന് സുപ്രീം കോടതിയിൽ
