കോഴിക്കോട്: പലസ്‌തീൻ ജനതക്ക് മേൽ ഇസ്രായേൽ നടത്തുന്ന ക്രൂരമായ ആക്രമണം അവസാനിപ്പിക്കണമെന്ന് ഇന്ത്യൻ ഗ്രാൻഡ് മുഫ്‌തി കാന്തപുരം എപി അബൂബക്കർ മുസ്‌ലിയാർ പ്രസ്‌താവനയിൽ ആവശ്യപ്പെട്ടു.
റമളാന്റെ അവസാന വെള്ളിയാഴ്‌ച മസ്‌ജിദ്‌ അഖ്‌സയിലേക്ക് പ്രാർഥനക്കായി എത്തിയ വിശ്വാസികൾക്ക് നേരെ ക്രൂരമായ ആക്രമണം അഴിച്ചു വിടുകയും, ഇപ്പോഴും പലതരം ആക്രമണങ്ങൾ തുടരുകയും ചെയ്യുന്ന ഇസ്രയേൽ ലോക മനുഷ്യാവകാശ തത്വങ്ങളുടെ നഗ്‌നമായ ലംഘനമാണ് നടത്തുന്നത്.
പ്രാർഥനാ നിർഭരമായ മനസോടെ മസ്‌ജിദുകളിൽ വരുന്ന വിശ്വാസികളെ ഉന്നം വെച്ച് ആക്രമിക്കുന്ന ഇസ്രായേലിന്റെ ഭീകരത അവസാനിപ്പിക്കാൻ ഐക്യരാഷ്‌ട്ര സഭ ഇടപെടണം. പലസ്‌തീൻ സ്വതന്ത്ര രാഷ്‌ട്രമാണ്‌. ജർമനിയിൽ നിന്ന് അനുഭവിച്ച നാസികളുടെ ക്രൂരതകളിൽ നിന്ന് രക്ഷ നേടാൻ പലസ്‌തീന്റെ ഭൂപ്രദേശങ്ങളും കൈക്കലാക്കി, നാസികൾ നടത്തിയതിനു തുല്യമായ ആക്രമണമാണ് പലസ്‌തീൻ ജനതക്ക് നേരെ ഇസ്രായേൽ നടത്തുന്നത്; കാന്തപുരം പറഞ്ഞു.
ഇസ്രയേലിന്റെ ക്രൂരതകളും മനുഷ്യാവകാശ ലംഘനങ്ങളും തടയാൻ ലോകരാജ്യങ്ങളുടെ ഇടപെടൽ വേണം. പലസ്‌തീനികൾക്ക് വേണ്ടി വിശ്വാസികൾ എല്ലാവരും പ്രാർഥിക്കണം; കാന്തപുരം പ്രസ്‌താവനയിൽ ആവശ്യപ്പെട്ടു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
