മലപ്പുറം: പട്ടിക്കാട് ജാമിഅ നൂരിയ്യ അറബിയ്യയുടെ 58ആം വാര്‍ഷിക സമ്മേളനവും 56ആം സനദ്‌ദാന ചടങ്ങിനുമുള്ള ഒരുക്കങ്ങള്‍ പൂര്‍ത്തിയായി. നാളെ മാര്‍ച്ച് 26 വെള്ളിയാഴ്‌ചയും മാര്‍ച്ച് 27 ശനിയാഴ്‌ചയുമായാണ് ഈ ദ്വിദിന സമ്മേളനം നടക്കുന്നത്.
290 പണ്ഡിതന്‍മാര്‍ക്ക് ഈ വര്‍ഷം സനദ് നല്‍കുന്നതാണ്. കോവിഡ് 19ന്റെ പാശ്‌ചാത്തലത്തില്‍ പ്രോട്ടോകോള്‍ പാലിച്ചായിരിക്കും സമ്മേളനം നടക്കുക. സനദ്‌ദാന സമ്മേളനാനന്തരം സയ്യിദ് ഹൈദരലി ശിഹാബ് തങ്ങളുടെ നേതൃത്വത്തില്‍ മജ്‌ലിസുന്നൂര്‍ വാര്‍ഷിക സംഗമവും നടക്കും.
26 വെള്ളി അസ്വര്‍ നമസ്‌കാരാനന്തരം ജാമിഅയുടെ പ്രധാന വാഖിഫ് കെവി ബാപ്പു ഹാജിയുടെ മഖ്ബറ സിയാറത്ത് നടക്കും. പതാക ഉയര്‍ത്തൽ വൈകിട്ട് 5.30ന് സയ്യിദ് ഹൈദരലി ശിഹാബ് തങ്ങള്‍ നിർവഹിക്കും. വൈകിട്ട് 7 മണിക്ക് അല്‍ മുനീര്‍ മാഗസിന്‍ സംഘടിപ്പിക്കുന്ന ‘മനുഷ്യന്‍: മതം യുക്‌തി’ എന്ന വിഷയത്തില്‍ സിമ്പോസിയം നടക്കും. അബ്‌ദുസ്സലാം ഫൈസി ഒളവട്ടൂരാണ് സിമ്പോസിയത്തിന് നേതൃത്വം വഹിക്കുന്നത്.
27ന് ഉച്ചക്ക് 2 മണിക്ക് ജാമിഅ നൂരിയ്യ ജനറല്‍ ബോഡിയും മൂന്ന് മണിക്ക് സ്‌ഥാനവസ്‌ത്ര വിതരണവും നടക്കും. വൈകിട്ട് 5 മണിക്ക് നടക്കുന്ന സനദ്‌ദാന സമ്മേളനം സമസ്‌ത കേരള ജംഇയ്യത്തുല്‍ ഉലമാ പ്രസിഡണ്ട് സയ്യിദ് ജിഫ്രി മുത്തുക്കോയ തങ്ങളുടെ അധ്യക്ഷതയില്‍ സയ്യിദ് ഹൈദരലി ശിഹാബ് തങ്ങള്‍ ഉൽഘാടനം നിർവഹിക്കും.
സമസ്‌ത കേരള ജംഇയ്യത്തുല്‍ ഉലമാ ജനറല്‍ സെക്രട്ടറി പ്രൊഫ. കെ ആലിക്കുട്ടി മുസ്‌ലിയാര്‍ സനദ്‌ദാന പ്രഭാഷണം നടത്തും. സയ്യിദ് സാദിഖലി ശിഹാബ് തങ്ങള്‍, എംടി അബ്‌ദുല്ല മുസ്‌ലിയാര്‍, പികെ കുഞ്ഞാലിക്കുട്ടി, ചേലക്കാട് മുഹമ്മദ് മുസ്‌ലിയാര്‍, കൊയ്യോട് ഉമര്‍ മുസ്‌ലിയാര്‍, സയ്യിദ് അബ്ബാസലി ശിഹാബ് തങ്ങള്‍, സയ്യിദ് ബശീറലി ശിഹാബ് തങ്ങള്‍, സയ്യിദ് റശീദലി ശിഹാബ് തങ്ങള്‍, സയ്യിദ് ഹമീദലി ശിഹാബ് തങ്ങള്‍, സയ്യിദ് മുനവ്വറലി ശിഹാബ് തങ്ങള്‍, സയ്യിദ് അബ്‌ദുനാസർ ഹയ്യ് ശിഹാബ് തങ്ങള്‍, അബ്‌ദുൽ ഹമീദ് ഫൈസി അമ്പലക്കടവ്, അബ്‌ദുസ്സമദ് സമദാനി, പി അബ്‌ദുൽ ഹമീദ് മാസ്‌റ്റർ എംഎല്‍എ, അബ്‌ദുസ്സമദ് പൂക്കോട്ടൂര്‍ എന്നിവർ സമ്മേളനത്തിൽ പ്രസംഗിക്കും. മജ്‌ലിസുന്നൂര്‍ സദസിന് സയ്യിദ് ഹൈദരലി ശിഹാബ് തങ്ങള്‍ നേതൃത്വം നല്‍കും. സയ്യിദ് മുഹമ്മദ് കോയ ജമലുല്ലൈലി തങ്ങള്‍ ആമുഖ ഭാഷണം നിർവഹിക്കും. ഏലംകുളം ബാപ്പു മുസ്‌ലിയാര്‍, വാവാട് കുഞ്ഞിക്കോയ മുസ്‌ലിയാര്‍, മാണിയൂര്‍ അഹമദ് മൗലവി മജ്‌ലിസുന്നൂറിൽ സംബന്ധിക്കും. സയ്യിദ് സാദിഖലി ശിഹാബ് തങ്ങള്‍ സമാപന പ്രാർഥന നിർവഹിക്കും.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
മജ്‌ലിസുന്നൂര്‍ സദസിന് സയ്യിദ് ഹൈദരലി ശിഹാബ് തങ്ങള്‍ നേതൃത്വം നല്‍കും. സയ്യിദ് മുഹമ്മദ് കോയ ജമലുല്ലൈലി തങ്ങള്‍ ആമുഖ ഭാഷണം നിർവഹിക്കും. ഏലംകുളം ബാപ്പു മുസ്‌ലിയാര്‍, വാവാട് കുഞ്ഞിക്കോയ മുസ്‌ലിയാര്‍, മാണിയൂര്‍ അഹമദ് മൗലവി മജ്‌ലിസുന്നൂറിൽ സംബന്ധിക്കും. സയ്യിദ് സാദിഖലി ശിഹാബ് തങ്ങള്‍ സമാപന പ്രാർഥന നിർവഹിക്കും. 
