അംഗത്വവിതരണ ക്യാംപയിൻ ജില്ലാതല ഉൽഘാടനം സമസ്‌ത കേരള ജംഇയ്യതുല്‍ ഉലമ ജനറല്‍ സെക്രട്ടറി ശൈഖുല്‍ ജാമിഅ കെ ആലിക്കുട്ടി മുസ്‌ലിയാര്‍ ജില്ലാ പ്രസിഡണ്ട് കെവി അസ്‌ഗറലി ഫൈസി പട്ടിക്കാടിന് നല്‍കി നിർവഹിക്കുന്നു (ഫയൽ ഫോട്ടോ)
മലപ്പുറം: സമസ്‌ത കേരള ജംഇയ്യതുല്‍ മുദര്‍രിസീന്‍ ജില്ലാ കമ്മിറ്റി സംഘടിപ്പിക്കുന്ന ശില്‍പശാല 23ന് ചൊവ്വാഴ്‌ച മലപ്പുറം മച്ചിങ്ങലിൽ നടക്കും. സംസ്‌ഥാന കമ്മിറ്റി നടത്തുന്ന അംഗത്വ ക്യാംപയിനിന്റെ ഭാഗമായാണ് ശിൽപശാല.
ജില്ലയിലെ പള്ളി ദര്‍സ്, ശരീഅത്ത് കോളേജ് എന്നിവയിലെ ഉസ്‌താദുമാരാണ് ശില്‍പശാലയിൽ പെങ്കടുക്കുന്നത്. മച്ചിങ്ങലിൽ എംഎസ്‌എം ഓഡിറ്റോറിയത്തില്‍ സജ്‌ജീകരിച്ച മര്‍ഹൂം ഒടി മൂസ മുസ്‌ലിയാര്‍ നഗരിയിൽ കാലത്ത് 8.30ന് സയ്യിദ് ഫസല്‍ ശിഹാബ് തങ്ങള്‍ മേല്‍മുറി പതാക ഉയര്‍ത്തുന്നതോടെ ശിൽപശാലക്ക് തുടക്കമാകും.
പരിപാടിയിൽ സമസ്‌ത കേന്ദ്ര മുശാവറ അംഗം കോട്ടുമല മൊയ്‌തീൻ കുട്ടി മുസ്‌ലിയാര്‍ പ്രാരംഭ പ്രാർഥന നടത്തുന്ന പരിപാടി പാണക്കാട് സയ്യിദ് ഹൈദറലി ശിഹാബ് തങ്ങള്‍ ശില്‍പശാല ഉദ്ഘാടനം ചെയ്യും. ജില്ലാ ജനറല്‍ സെക്രട്ടറി സികെ അബ്‌ദുറഹ്‌മാൻ ഫൈസി അരിപ്രയാണ് ആമുഖഭാഷണം നടത്തുന്നത്. സമസ്‌ത പ്രസിഡണ്ട് സയ്യിദുല്‍ ഉലമ സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ശിൽപശാലയിൽ അധ്യക്ഷത നിർവഹിക്കും.
ജംഇയ്യതുല്‍ മുദര്‍രിസീനില്‍ അംഗത്വമെടുത്ത മുദര്‍രിസുമാര്‍ക്കുള്ള മുദര്‍രിസ് സര്‍വീസ് രജിസ്‌റ്റർ വിതരണോൽഘാടനം സയ്യിദ് ഹൈദറലി ശിഹാബ് തങ്ങള്‍ നിര്‍വഹിക്കും. സമസ്‌ത വിദ്യാഭ്യാസ ബോര്‍ഡ് ജനറല്‍ സെക്രട്ടറി എംടി അബ്‌ദുല്ല മുസ്‌ലിയാര്‍ മുഖ്യപ്രഭാഷണം നടത്തും.
സംസ്‌ഥാന ജനറല്‍ സെക്രട്ടറി എവി അബ്‌ദുറഹ്‌മാൻ മുസ്‌ലിയാര്‍, ദാറുല്‍ ഹുദാ ഇസ്‌ലാമിക് യൂണിവേഴ്‌സിറ്റി വിസി ഡോ.ബഹാഉദ്ദീന്‍ മുഹമ്മദ് നദ്‌വി കൂരിയാട്, സെക്രട്ടറി വാക്കോട് മൊയ്‌തീൻ കുട്ടി ഫൈസി, ജില്ലാ വൈസ് പ്രസിഡണ്ട് സൈതാലി മുസ്‌ലിയാര്‍ മാമ്പുഴ, സെക്രട്ടറി മുഹമ്മദലി ദാരിമി കരേക്കാട് എന്നിവർ ചടങ്ങിൽ പ്രസംഗിക്കും. മത വിഷയങ്ങളുടെ അധ്യാപന രീതി ഹംസ ഫൈസി ഹൈതമിയാണ് അവതരിപ്പിക്കുന്നത്.
തുടര്‍ന്ന് നടക്കുന്ന ‘സെഷന്‍’ സമസ്‌ത കേരള ജംഇയ്യതുല്‍ ഉലമ ജനറല്‍ സെക്രട്ടറി ശൈഖുല്‍ ജാമിഅ പ്രൊഫ കെ ആലിക്കുട്ടി മുസ്‌ലിയാര്‍ ഉൽഘാടനം ചെയ്യും. ജംഇയ്യതുല്‍ മുദര്‍രിസീന്‍ ജില്ലാ പ്രസിഡണ്ട് കെവി അസ്‌ഗറലി ഫൈസി അധ്യക്ഷനാകും. ജംഇയ്യതുല്‍ മുദര്‍രിസീന്‍ സംസ്‌ഥാന വര്‍ക്കിംഗ് സെക്രട്ടറി അബ്‌ദുൽ ഖാദിര്‍ ഫൈസി കുന്നുംപുറം ഈ ‘സെഷനിൽ’ ആമുഖപ്രഭാഷണം നിർവഹിക്കും.
മതേതര വിഷയങ്ങളുടെ അധ്യാപന രീതി ളിയാഉദ്ദീന്‍ ഫൈസി മേല്‍മുറി അവതരിപ്പിക്കും. അന്‍വരിയ്യ അറബിക് കോളേജ് പ്രിന്‍സിപ്പള്‍ ആദൃശ്ശേരി ഹംസ കുട്ടി മുസ്‌ലിയാര്‍, സമസ്‌ത ജില്ലാ ജനറല്‍ സെക്രട്ടറി പുത്തനഴിമൊയ്‌തീൻ ഫൈസി, കാവനൂര്‍ മജ്‌മഅ് പ്രിന്‍സിപ്പള്‍ കെഎ റഹ്‌മാൻ ഫൈസി കാവനൂര്‍, വാഫി കോഡിനേറ്റര്‍ അബ്‌ദുൽ ഹകീം ഫൈസി ആദൃശ്ശേരി, കുണ്ടൂര്‍ മര്‍കസ് പ്രിന്‍സിപ്പള്‍ പികെ അബ്‌ദുൾ ഗഫൂര്‍ ഖാസിമി, ജംഇയ്യതുല്‍ മുദര്‍സീന്‍ സെക്രട്ടറി ബശീര്‍ ബാഖവി പൊൻമള എന്നിവർ ‘സെഷനിൽ’ പ്രസംഗിക്കും. കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി സമാപന സന്ദേശം നല്‍കും.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
