തിരുവനന്തപുരം: കളമശേരിയില്‍ താന്‍ സിപിഎം സ്‌ഥാനാർഥി ആകുമെന്നത് മാദ്ധ്യമ സൃഷ്‌ടി മാത്രമെന്ന് ഡിവൈഎഫ്‌ഐ സംസ്‌ഥാന സെക്രട്ടറി എഎ റഹീം. പാര്‍ട്ടി തന്നോട് മൽസരിക്കാന്‍ ആവശ്യപ്പെട്ടിട്ടില്ല. സീറ്റ് ചോദിച്ചു വാങ്ങുന്ന ചരിത്രം ഡിവൈഎഫ്‌ഐക്കില്ല. തിരഞ്ഞെടുപ്പില്‍ യുവാക്കള്‍ക്ക് പ്രാതിനിധ്യം നല്‍കണമെന്ന വാദം ഡിവൈഎഫ്‌ഐ മുന്നോട്ടുവെക്കില്ലെന്നും എഎ റഹീം സ്വകാര്യ ചാനലിനോട് പറഞ്ഞു.
സംസ്‌ഥാനത്ത് തുടര്‍ഭരണം ഉണ്ടാകണം. ഇതാണ് കേരളത്തിലെ യുവതീ യുവാക്കളുടെ ആഗ്രഹം. സീറ്റ് വാങ്ങലല്ല ഡിവൈഎഫ്‌ഐയുടെ അജണ്ട, സമഗ്രമായ രാഷ്‌ട്രീയ പ്രവര്‍ത്തനമാണ്. പിഎസ്‌സി ഉദ്യോഗാർഥികള്‍ ജനാധിപത്യപരമായി നടത്തിയ സമരത്തിലേക്ക് മുതലെടുപ്പിനു വേണ്ടി ചിലര്‍ എത്തിയെന്നും എഎ റഹീം ആരോപിച്ചു.
Also Read: കോണ്‍ഗ്രസ് തിരഞ്ഞെടുപ്പ് സമിതി യോഗം ഇന്ന്
