ന്യൂഡെല്ഹി: കര്ഷകർ രാജ്യതലസ്ഥാനത്ത് പ്രവേശിക്കുന്നത് തടയാനായി അതിര്ത്തികള് അടച്ച കേന്ദ്ര സര്ക്കാരിനെതിരെ ആഞ്ഞടിച്ച് സിപിഐ നേതാവ് കനയ്യ കുമാര്. ഹെലികോപ്ടറില് റോന്ത് ചുറ്റുന്ന ചതിയന് കമ്പിവേലികള് ഉപയോഗിച്ച് കര്ഷകരെ തടയുകയാണെന്നാണ് കനയ്യ കുമാര് പ്രതികരിച്ചത്.
‘ഹെലികോപ്ടറില് റോന്തുചുറ്റുന്ന ചതിയന് ട്രാക്ടര് ഓടിച്ചെത്തുന്ന കര്ഷകര് ഡെല്ഹിയിലേക്ക് കടക്കാതിരിക്കാന് അതിര്ത്തികളില് കമ്പിവേലികള് വെച്ചടച്ചിരിക്കുകയാണ്,’ കനയ്യ കുമാര് ട്വീറ്റ് ചെയ്തു.
हेलिकॉप्टर पर उड़ने वाले बेईमान ने दिल्ली की सीमाओं पर कँटीले तार लगवाए हैं ताकि ट्रैक्टर से चलने वाले किसान दिल्ली ना आ सके।#FarmersProstests
— Kanhaiya Kumar (@kanhaiyakumar) February 2, 2021
കാര്ഷിക നിയമങ്ങള്ക്കെതിരെ രണ്ട് മാസത്തിലേറെയായി കർഷകർ തെരുവില് പ്രതിഷേധിക്കുമ്പോഴും നിയങ്ങള് പിന്വലിക്കുന്നത് സംബന്ധിച്ച് അന്തിമമായ ഒരു തീരുമാനം കേന്ദ്രം ഇതുവരെയും എടുത്തിട്ടില്ല.
അതേസമയം കര്ഷകര്ക്ക് പിന്തുണയുമായി പഞ്ചാബ് സര്ക്കാര് വീണ്ടും രംഗത്തെത്തിയിട്ടുണ്ട്. ട്രാക്ടർ റാലിയുമായി ബന്ധപ്പെട്ട് പൊലീസ് കേസ് ചുമത്തിയ കര്ഷകര്ക്ക് നിയമസഹായം വേഗത്തില് നല്കാനുള്ള നടപടികള് പഞ്ചാബ് സര്ക്കാര് സ്വീകരിച്ചിട്ടുണ്ടെന്ന് മുഖ്യമന്ത്രി അമരീന്ദര് സിംഗ് അറിയിച്ചു. നിയമങ്ങൾ പിൻവലിക്കാതെ ഒരു വിട്ടുവീഴ്ചക്കും തയ്യാറല്ലെന്നാണ് ഇപ്പോഴും കർഷരുടെ നിലപാട്.
Read also: പോലീസിന്റെ കർഷകവിരുദ്ധ നടപടി അവസാനിപ്പിക്കുന്നത് വരെ ചർച്ചക്കില്ല; കിസാൻ മോർച്ച