പ്രതിപക്ഷ നീക്കം തിരഞ്ഞെടുപ്പ് മുന്നിൽ കണ്ട്; വിമർശിച്ച് മുഖ്യമന്ത്രി

By Trainee Reporter, Malabar News
pinarayi-vijayan_malabar news
മുഖ്യമന്ത്രി പിണറായി വിജയൻ

തിരുവനന്തപുരം: ഉദ്യോഗാർഥി സമരത്തിലെ പ്രതിപക്ഷ നീക്കം തിരഞ്ഞെടുപ്പ് മുന്നിൽ കണ്ടെന്ന് മുഖ്യമന്ത്രി പിണറായി വിജയൻ. മുൻ മുഖ്യമന്ത്രിയുടെ നീക്കം ആശ്‌ചര്യകരമെന്നും ഉമ്മൻചാണ്ടിയെ വിമർശിച്ചുകൊണ്ട് മുഖ്യമന്ത്രി പറഞ്ഞു. സെക്രട്ടറിയേറ്റിന് മുന്നിൽ നടക്കുന്ന ഉദ്യോഗാർഥികളുടെ സമരം കഴിഞ്ഞ ദിവസം ഉമ്മൻ ചാണ്ടി സന്ദർശിച്ചിരുന്നു.

യുഡിഎഫ് ഭരണകാലത്തെ അപേക്ഷിച്ച് നിയമനങ്ങളും നിയമന ശുപാർശകളും എൽഡിഎഫ് സർക്കാർ അധികമായി നൽകിയെന്ന് മുഖ്യമന്ത്രി പിണറായി വിജയൻ വാർത്താ സമ്മേളനത്തിൽ പറഞ്ഞു. കഴിഞ്ഞ സർക്കാരിനെ അപേക്ഷിച്ച് വിവിധ സർക്കാർ വകുപ്പുകളിൽ ഈ സർക്കാർ നിരവധി നിയമനങ്ങൾ നൽകി.

ഇപ്പോൾ നടക്കുന്ന സമരം ഉദ്യോഗാർഥികളുടെ താൽപ്പര്യത്തിന് വിരുദ്ധമാണ്. എൽഡിഎഫ്, യുഡിഎഫ് സർക്കാരുകളുടെ കാലത്തെ പിഎസ്‌സി നിയമനങ്ങളെ സംബന്ധിച്ചുള്ള കണക്കുകളും മുഖ്യമന്ത്രി പുറത്തുവിട്ടു.

എൽഡിഎഫ് സർക്കാർ 4,012 റാങ്ക് ലിസ്‌റ്റുകൾ പ്രസിദ്ധീകരിച്ചു. യുഡിഎഫ് സർക്കാർ ഈ കാലയളവിൽ 3,011 റാങ്ക് ലിസ്‌റ്റുകളാണ് പുറത്തുവിട്ടത്. 13,825 പോലീസ് നിയമനങ്ങൾ എൽഡിഎഫ് സർക്കാരിന്റെ കാലത്ത് നടന്നു. എന്നാൽ യുഡിഎഫ് സർക്കാരിന്റെ കാലത്ത് അത് വെറും 4,791 നിയമനങ്ങൾ മാത്രമായിരുന്നെന്ന് മുഖ്യമന്ത്രി പിണറായി വിജയൻ പറഞ്ഞു.

Read also: ഡോളർ കടത്ത് കേസ്; യൂണിടാക് ഉടമ സന്തോഷ് ഈപ്പൻ അറസ്‌റ്റിൽ

Mechart

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE